ডিজিটেল ডেস্কঃ মায়ঙত এক কৰুণ ঘটনা সংঘটিত হৈছে। সৰ্প দংশনত মৃত্যুক সাবটিলে এগৰাকী কন্যা শিশুৱে।
মায়ঙৰ ঠেংভঙা গাঁৱৰ ৭ বছৰীয়া শিশুটিয়ে সকলোকে কন্দুৱাই এই পৃথিৱীৰ পৰা মেলানি মাগিলে।
একমাত্ৰ কন্যাক আচম্বিতে চিৰদিনলৈ হেৰুৱাই কান্দোনত ভাগি পৰিছে পিতৃ-মাতৃ।
হিয়া ঢাকুৰি কান্দিছে পিতৃ-মাতৃয়ে। সমগ্ৰ পৰিয়াল হৈ পৰিছে শোকস্তব্ধ।
উল্লেখ্য যে দুপৰীয়াৰ ভাত খাই পিতৃৰ লগত বিশ্ৰাম লবলৈ অলপ শুইছিল কণমানিজনীয়ে। পিতৃৰ ওচৰৰ পৰা শুই উঠি বিছনাৰ পৰা নামি যাওতেই বিচনাৰ তলৰ পৰা ওলাই অহা এটা বিষাক্ত সাপে তাইক দংশন কৰে।
পৰিয়ালৰ লোকে লগে লগেই চিকিৎসালয়লৈ নিয়ে যদিও চিকিৎসকে মৃত বুলি ঘোষণা কৰে।
এই ঘটনাই অঞ্চলজুৰি শোকৰ ছাঁ পেলাইছে।
Continue Reading
