ডিজিটেল ডেস্কঃ মুম্বাইৰ কেইবাটাও ৰেল ষ্টেচন বোমাৰে উৰুৱাই দিয়া হ’ব। মংগলবাৰে মুম্বাই আৰক্ষীয়ে এই ভাবুকি লাভ কৰে। তাৰপাছতে দাদৰ, কুৰ্লা আৰু চিএচএমটি ষ্টেশ্যনত ব্যাপক সতৰ্কতা অৱলম্বন কৰে।
তিনিওটা ষ্টেচনতে তন্ন তন্নকৈ তালাচি চলায় আৰক্ষীয়ে। কিন্তু সন্দেহজনক কোনো বিচাৰি পোৱা নগ’ল।
ক’ৰপৰা ফোনকলটো আহিছিল তাৰ তদন্ত চলায় আৰক্ষীয়ে। জানিব পাৰে যে ঔৰংগাবাদৰ পৰা এই ভাবুকি দিয়া হৈছিল। ঔৰংগাবাদ আৰক্ষীৰ সহায়ত এগৰাকী অভিযুক্তক গ্ৰেপ্তাৰ কৰা হয়।
গ্ৰেপ্তাৰ কৰাৰ পাছতে অভিযুক্তগৰাকীয়ে যি ভাষ্য প্ৰদান কৰিলে, তাকে লৈ বিমোৰত পৰিছে আৰক্ষী। অভিযুক্তগৰাকীয়ে দাবী কৰে যে মদৰ নিচাতে তেওঁ এই ভাবুকি দিছিল। ৪, ৫ আৰু ৬ ডিচেম্বৰত তিনিওটা ষ্টেশ্যনত অত্যন্ত ভীৰ হৈছিল। এই ভীৰ দেখিয়েই নিচাসক্ত অৱস্থাত তেওঁৰ ভাবুকি দিবলৈ মন গ’ল।
অভিযুক্তৰ এই ভাষ্য অৱশ্যে সহজে লোৱা নাই আৰক্ষীয়ে। ফোনকলটোৰ আঁৰৰ ৰহস্যৰ তদন্ত চলাবলৈ আৰম্ভ কৰা হৈছে।
Continue Reading
