ডিজিটেল ডেস্কঃ সুদীৰ্ঘ ১৫ বছৰৰ বিজেপি ৰাজত্বৰ অৱসান ঘটাই দিল্লী পৌৰনিগম দখল কৰিলে আম আদমী পাৰ্টিয়ে। এই ঐতিহাসিক জয়ৰ পাছতে অৰবিন্দ কেজৰিৱালে প্ৰধানমন্ত্ৰী নৰেন্দ্ৰ মোদীৰ আৰ্শীবাদ কামনা কৰিছে।
দলৰ বিজয়ৰ পাছত ভোটাৰ আৰু দলীয় কৰ্মীসকলক ধন্যবাদ জনায়। ৰাজধানীৰ উন্নতিৰ বাবে কেন্দ্ৰীয় চৰকাৰৰ সাহাৰ্যৰ প্ৰয়োজন বুলিও তেওঁ কয়।
“কেন্দ্ৰীয় চৰকাৰৰ সহায়ৰ প্ৰয়োজন। প্ৰধানমন্ত্ৰীৰ আৰ্শীবাদ বিচাৰো।”- কেজৰিৱালে কয়।
“বিজেপি আৰু কংগ্ৰেছক আমি আমাৰ কাষত বিচাৰো। একেলগে আমি দিল্লীক আৰু উন্নত কৰি তুলিম।”- কেজৰিৱালে কয়।
আনহাতে, দিল্লী পৌৰ নিগমত কিয় আপ বিজয়ী হৈছে তাৰো ব্যাখ্যা দাঙি ধৰে কেজৰিৱালে। কয় যে হস্পিতাল, স্কুলৰ উন্নতিৰ বাবে দিনে ৰাতিয়ে পৰিশ্ৰম কৰিছে তেওঁৰ চৰকাৰে। এইবাৰ জনতাই দিল্লীক দুৰ্নীতিমুক্ত কৰাৰ দায়িত্ব দিছে বুলি তেওঁ অনুভৱ ব্যক্ত কৰে।
উল্লেখ্য যে ২৫০ খন আসনবিশিষ্ট দিল্লী পৌৰনিগমত আপে ১৩৪ খন আসনত বিজয়ী হয়। বিজেপিৰ দখললৈ যায় ১০৪খন আসন। কংগ্ৰেছে ৯ আৰু অন্যান্য দলসমূহে লাভ কৰিছে ৩খন আসন।
Continue Reading
