মেঘালয়ত পৰ্যটন খণ্ডৰ উন্নয়ন, পথৰ কাষৰ সুবিধা বৃদ্ধিৰ বাবে ২ কোটি টকা মুকলি

ৰাজ্যৰ পৰ্যটন পরিকাঠামো অধিক উন্নত কৰাৰ উদ্দেশ্যে মেঘালয় চৰকাৰে এক গুৰুত্বপূৰ্ণ পদক্ষেপ গ্ৰহণ কৰিছে। পথৰ কাষৰ হোটেল, জলপান গৃহ আৰু পৰ্যটকসকলৰ জিৰণি লোৱা স্থানসমূহৰ মান উন্নীতকৰণৰ বাবে চৰকাৰে দুয়ো কোটি টকাতকৈ অধিক আৰ্থিক সাহায্য মুকলি কৰিছে। এই সাহায্যৰ জৰিয়তে ৰাজ্যখনৰ ভ্ৰমণকাৰীসকলৰ বাবে সুবিধা বৃদ্ধি কৰাৰ লক্ষ্য লোৱা হৈছে।

এনহান্চমেণ্ট অৱ ৱেইড চাইড এমেনিটিজ আঁচনিৰ অধীনত মুঠ ৪৭ৰ পৰা ৪৮ গৰাকী নিৰ্বাচিত হিতাধিকাৰীক প্ৰতিটো গোটক ৫ লাখ টকাকৈ অনুদান প্ৰদান কৰা হ'ব। বৃহস্পতিবাৰে শ্বিলঙত আয়োজিত এক অনুষ্ঠানত মুখ্যমন্ত্রী কনৰাড কে চাংমাই হিতাধিকাৰীসকলৰ মাজত এই আৰ্থিক সাহায্য বিতৰণ কৰে।

ৰাজ্যখন ভ্ৰমণ কৰিবলৈ অহা পৰ্যটকসকলক উন্নত আৰু পৰিষ্কাৰ সুবিধা প্ৰদান কৰাৰ উদ্দেশ্যে এই আঁচনি ৰূপায়ন কৰা হৈছে। এই পুঁজিৰ সঠিক ব্যৱহাৰেৰে পথৰ কাষৰ সুবিধাসমূহৰ মান উন্নত হ'ব বুলি আশা প্ৰকাশ কৰা হৈছে।