ডিজিটেল ডেস্কঃ তেলেগু অভিনেতা মহেশ বাবু সমগ্ৰ দেশৰ অন্যতম প্ৰিয় চেলিব্ৰিটী৷ পিছে মহেশ বাবুৰ ১১ বছৰীয়া কন্যা সীতাৰা ঘট্টামনেনীও কম নহয়। জনপ্ৰিয় গহনা ব্ৰেণ্ডৰ ব্ৰেণ্ড এম্বেছাদৰ হোৱাৰ পাছত ষ্টাৰ কিডগৰাকীয়ে কম বয়সতে প্ৰতিষ্ঠিত হিচাপে সমাদৰ বুটলিবলৈ সক্ষম হয় আৰু নিউয়ৰ্কৰ টাইমছ স্কোৱাৰত সীতাৰাৰ প্ৰথম ফটোশ্বুট মুকলি কৰা হয়।খবৰ অনুসৰি সীতাৰাক এই বিজ্ঞাপনৰ বাবে গহনা ব্ৰেণ্ডটোৱে এক কোটি টকা দিছিল।
এতিয়া খবৰ আহিছে যে কণমানি তাৰকাগৰাকীয়ে নিজৰ প্ৰথম পাৰিতোষিক দান কৰি এক উদাৰ মানসিকতাৰ পৰিচয় দিছে। শেহতীয়াকৈ হায়দৰাবাদৰ এখন পঞ্চতাৰকা হোটেলত অনুষ্ঠিত এক ভব্য অনুষ্ঠানত সীতাৰাই মাতৃ নমৰাতা শিৰোডকাৰৰ সৈতে তেওঁৰ নামেৰে ছপা কৰা ফটো এলবাম আৰু এখন লুকবুক উন্মোচন কৰে।
সংবাদ মাধ্যমৰ মত বিনিময়ৰ সময়ত সীতাৰাই শ্বেয়াৰ কৰে যে তেওঁ সদায় চলচ্চিত্ৰ উদ্যোগৰ প্ৰতি আগ্ৰহী আৰু মাকৰ আত্মবিশ্বাসৰ পৰা প্ৰেৰণা লাভ কৰিছে।
ইয়াৰ পূৰ্বে মহেশ বাবুৱে ছ’চিয়েল মিডিয়াত কন্যাৰ প্ৰথম ফেশ্বন গিগৰ শলাগ লৈছিল। অভিনেতাগৰাকীয়ে সীতাৰাৰ ফটো আৰু ভিডিঅ’ৰ পিএমজে জুৱেলছৰ সৈতে শ্বেয়াৰ কৰে৷
Continue Reading
