বিগ বছৰ মঞ্চলৈ এইবাৰ ধ্ৰুৱ ৰাঠী; দাবী নেটিজেনৰ

ছচিয়েল মিডিয়াৰ অন্য এটা চেন্সেশনৰ নাম ধ্ৰুৱ ৰাঠী। ইনষ্টাগ্ৰামত তেওঁৰ ১৭ লাখ ফ’ল’ৱাৰ আছে। একে সময়তে ইউটিউবত তেওঁৰ ১ কোটি ১৮ লাখ ছাবস্ক্ৰাইবাৰ আছে। ধ্ৰুৱৰ ঘৰ হাৰিয়ানাত। ধ্ৰুৱৰ জন্ম মধ্যবিত্তীয় পৰিয়ালত। তেওঁৰ ককাক বি এছ এফত আছিল আৰু স্কুলীয়া শিক্ষা হাৰিয়ানাৰ পৰাই কৰিছিল। বৰ্তমান তেওঁৰ বয়স ২৮ বছৰ।

পৰৱৰ্তী সময়ত ধ্ৰুৱে জাৰ্মানীৰ পৰা অভিযান্ত্ৰিকতা শিক্ষা গ্ৰহণ কৰিছিল। ধ্ৰুৱে প্ৰিয় বলিউডৰ অভিনেতা আমিৰ খান, অক্ষয় কুমাৰ আৰু বৰুণ ধৱন। ধ্ৰুৱ এজন ফিটনেছ ফ্ৰিক আৰু তেওঁ স্বাস্থ্যকৰ খাদ্য পছন্দ কৰে। ১২ বছৰ বয়সৰ পৰা কোনো ধৰণৰ শীতল পানীয় খোৱা নাই বুলি ইতিমধ্যে বহু ভিডিঅ’ত ঘোষণা কৰিছে৷

সাম্প্ৰতিক পৰিস্থিতি, সামাজিক বিষয়, ৰাজনীতি, বিজ্ঞান, ব্যক্তিগত vlog সম্পৰ্কীয় ভিডিঅ' ধ্ৰুৱে নিজৰ ইউটিউবত শ্বেয়াৰ কৰে। তেওঁৰ এটা পুৰণি ভিডিঅ’ত তেওঁ কয় যে তেওঁৰ দলত তিনিজন গৱেষক, ৬জন সম্পাদক আৰু ২জন লোকে শিৰোনামা লিখে৷এটা ভিডিঅ’ বনাই ধ্ৰুৱে অনুৰাগীসকলক কৈছিল যে ইউটিউব ভিডিঅ’ কেনেকৈ তৈয়াৰ কৰা হয়। ধ্ৰুৱে সকলো কথা সম্পূৰ্ণকৈ বুজাই দিছিল। তেওঁ কয় যে যেতিয়াই তেওঁ ভিডিঅ’ বনায় তেতিয়াই তেওঁ প্ৰথমে চিত্ৰনাট্য প্ৰস্তুত কৰে। সম্পূৰ্ণ গৱেষণা কৰে, তাৰ পাছত প্ৰতিটো শাৰী বাৰে বাৰে পঢ়ে যাতে ভুল নহয়। আৰু এই কাৰণেই তেওঁৰ ১০ মিনিটৰ ভিডিঅ’ ৩-৪ ঘন্টাতহে সাজু হৈ উঠে৷উল্লেখ্য যে ধ্ৰুৱ ৰাঠীৰ নিজা ৱেবচাইটো আছে। তেওঁৰ নেট ৱৰ্থৰ কথা ক’বলৈ গ’লে বাতৰি অনুসৰি তেওঁৰ নেট ৱৰ্থ ৭.৫ কোটি।

ব্যক্তিগত জীৱনৰ কথা যদি উল্লেখ কৰোঁ তেওঁ আৰু তেওঁৰ পত্নী জুলিয়ে ২০১৪ চনত প্ৰথমবাৰৰ বাবে লগ পাইছিল। দীৰ্ঘদিন ধৰি প্ৰেমৰ সম্পৰ্কৰ অন্তত ২০২১ চনত ভিয়েনাত দুয়ো বিবাহপাশত আবদ্ধ হয়। ইয়াৰ পিছত ভাৰতীয় ৰীতি-নীতি অনুসৰি ২০২২ চনত বিবাহপাশত আবদ্ধ হয়। ধ্ৰুৱে পত্নীৰ সৈতে আন এটা ইউটিউব চেনেল চলাই য’ত তেওঁ নিজৰ ব্যক্তিগত জীৱনৰ সৈতে জড়িত কথাবোৰ শ্বেয়াৰ কৰে।