ডিজিটেল ডেস্কঃ বিহাৰৰ মুখ্যমন্ত্ৰী নীতিশ কুমাৰে ৰাজ্যখনত জনসংখ্যা নিয়ন্ত্ৰণৰ সম্পৰ্কত এটা লক্ষ্যণীয় ভাষ্য প্ৰদান কৰিছে। তেওঁ কৈছে যে মহিলাসকল 'অশিক্ষিত' আৰু পুৰুষসকল 'উদাসীন', সেইকাৰণে ৰাজ্যখনৰ জনসংখ্যা নিয়ন্ত্ৰণ কৰিব পৰা হোৱা নাই। তাৰপাছতে সৃষ্টি হৈছে বিতৰ্কৰ।
'সমাধান যাত্ৰা' নামৰ এটা কাৰ্যসূচীৰ সময়ত শনিবাৰে বিহাৰৰ বৈশালী অঞ্চলত এখন ৰাজহুৱা সভাত ভাষণ দি জেডি(ইউ)ৰ মুৰব্বীয়ে এই মন্তব্য কৰে। নীতিশে কয়- "যদি মহিলাসকল শিক্ষিত হ'লহেঁতেন, জন্মৰ হাৰ হ্ৰাস পালেহেঁতেন। এয়াই বাস্তৱ। আজিকালি মহিলাসকল শিক্ষিত নহয়।’’
তাতেই শেষ নহয়। নীতিশে এইদৰেও কৈছে- "যদি মহিলাসকল শিক্ষিত হ'লহেঁতেন, তেওঁলোকে জানিব পাৰিলেহেঁতেন যে তেওঁলোক গৰ্ভাৱস্থা প্ৰতিহত কৰিবলৈ কি কৰিব লাগে। তেওঁলোকে এই বিষয়ে অৱগত হোৱা হ’লে! মানুহবোৰ উদাসীন।’’
বিহাৰৰ মুখ্যমন্ত্ৰীৰ এই মন্তব্যই বিতৰ্কৰ সৃষ্টি কৰিছে। বিৰোধী বিজেপিয়ে নীতিশৰ মন্তব্যক সমালোচনা কৰিছে। বিহাৰৰ বিৰোধী দলপতি সম্ৰাট চৌধুৰীয়ে টুইট কৰি কয়, "মুখ্যমন্ত্ৰী নীতিশ কুমাৰে ব্যৱহাৰ কৰা শব্দবোৰ অসংবেদনশীল। এনে শব্দ ব্যৱহাৰ কৰি তেওঁ মুখ্যমন্ত্ৰীৰ পদক কলংকিত কৰিছে। ''
Continue Reading
