ডিজিটেল ডেস্কঃ ধৰ্ম আৰু বিশ্বাসৰ আশ্ৰয় লৈ বহুতে বহু অপকৰ্ম চলোৱাৰ উদাহৰণ যথেষ্ট আছে৷ শেহতীয়াকৈ এক জঘন্য কাণ্ড কৰি বাতৰিৰ শিৰোনামালৈ আহিছে এজন বাবা৷ তেওঁৰ নাম - অমৰপুৰী ওৰফে জেলেবী বাবা৷ বাবা ৰূপী এইজন ভণ্ডৰ বিৰুদ্ধে এটা দুটা নহয়, প্ৰায় ১২০ টা ধৰ্ষণৰ অভিযোগ উত্থাপিত হৈছে৷
একেসময়তে আৰক্ষীয়ে এই লম্পটজনৰ বাসগৃহৰ পৰা জব্দ কৰিছে ৩০ খনতকৈও অধিক অশ্লীল চিডি৷
এইজন বাবাই মহিলাক ধৰ্ষণ কৰিয়েই ক্ষান্ত নাথাকে৷ অশ্লীল ভিডিঅ’ বনাই ব্লেকমেইল কৰাৰো অভিযোগ উত্থাপন হৈছে জেলেবী বাবাৰ বিৰুদ্ধে। কিছুদিন পূৰ্বে হাৰিয়ানাৰ ফতেহাবাদৰ চহৰত তেওঁৰ এটা ভিডিঅ’ ভাইৰেল হৈ পৰে৷এই ভিডিঅ’ লম্পট বাবাজনক এগৰাকী মহিলাৰ সৈতে অশ্লীল কৰ্মত লিপ্ত হোৱা দেখা গৈছিল৷
জনসাধাৰণৰ অভিযোগৰ ভিত্তিত টোহানা আৰক্ষীয়ে ২০১৮ চনৰ ১৯ জুলাইত অভিযুক্তৰ বিৰুদ্ধে ৰুজু কৰিছিল এক গোচৰ৷ তেতিয়া টোহানা নগৰ আৰক্ষী থানা দায়িত্বত থকা প্ৰদীপ কুমাৰে দাখিল কৰা এজাহাৰৰ ভিত্তিত গ্ৰেপ্তাৰ কৰা হৈছিল অভিযুক্তক ৷
Continue Reading
