ডিজিটেল ডেস্ক: আজি পুৱা ৮ বজাৰ পৰা মিজোৰাম বিধানসভা নিৰ্বাচনৰ ভোটগণনা আৰম্ভ হৈছে৷ প্ৰাৰম্ভিক প্ৰৱণতাই মুখ্যমন্ত্ৰী জোৰামথাংগা আৰু জোৰাম পিপলছ মুভমেণ্টৰ নেতৃত্বত শাসনাধিষ্ঠিত মিজো নেচনেল ফ্ৰণ্টৰ মাজত তীব্ৰ প্ৰতিদ্বন্দ্বিতা দেখুৱাইছে৷
অতিৰিক্ত মুখ্য নিৰ্বাচনী বিষয়া এইচ লিয়াঞ্জেলাই কৈছিল যে মিজোৰামৰ ১৩টা কেন্দ্ৰত গণনা অনুষ্ঠিত হৈ আছে। এই ১৩টা কেন্দ্ৰৰ ৪০খন বিধানসভা আসনৰ প্ৰতিটোৰ বাবে এটা গণনা গৃহ স্থাপন কৰা হৈছে বুলি তেওঁ কয়।
মধ্য প্ৰদেশ, ৰাজস্থান, ছত্তীশগড় আৰু তেলেংগানাৰ সৈতে দেওবাৰেই মিজোৰামৰো গণনা হোৱাৰ কথা আছিল। ৰাজনৈতিক দল, বেচৰকাৰী সংগঠন, গীৰ্জা আৰু ছাত্ৰ-ছাত্ৰীৰ সংস্থাৰ আবেদনৰ পাছত নিৰ্বাচন আয়োগে ইয়াক পিছুৱাই দিছিল৷ কিয়নো দেওবাৰে খ্ৰীষ্টান সংখ্যাগৰিষ্ঠ ৰাজ্য মিজোৰামৰ লোকসকলৰ বাবে এক বিশেষ গুৰুত্ব আছে।
মিজোৰামত মুঠ ৮.৫৭ লাখ ভোটাৰ আছে, যাৰ ভিতৰত ৮০.৬৬% ভোটাৰে ৭ নৱেম্বৰত ভোট দান কৰিছিল। ৰাজ্যখনৰ মুঠ ১০৫৮৫ জন ভোটাৰে ঘৰত ভোট দান কৰিছিল। মিজোৰামত শান্তিপূৰ্ণ ভোটদান হৈছিল, য’ত ৮০.৬৬% ভোটদান সম্পন্ন হৈছিল।
নিৰ্বাচনত চাৰি মুখ্য প্ৰতিদ্বন্দ্বীৰ মাজত হৈছে নিৰ্বাচনী ৰণ৷ শাসনাধিষ্ঠ মিজো নেচনেল ফ্ৰণ্ট, কংগ্ৰেছ, ভাৰতীয় জনতা পাৰ্টি আৰু জোৰাম পিপলছ মুভমেণ্টৰ মাজত হৈছে যুঁজ৷ কিন্তু বেছিভাগ এক্সিট পোল আৰু বিশেষজ্ঞই ভৱিষ্যদ্বাণী কৰিছে যে আঞ্চলিক দল এমএনএফ আৰু জেডপিএমৰ মাজত তীব্ৰ প্ৰতিদ্বন্দ্বিতা হ’ব৷
২০১৮ত এম.এন.এফ.-এ ২৬খন আসন জিকি কংগ্ৰেছক ক্ষমতাৰ পৰা উৎখাত কৰিছিল। এবছৰ আগতে গঠন কৰা জেডপিএম নামৰ এটা নতুন আঞ্চলিক দলে ৮খন আসন লাভ কৰি আচৰিত ভাৱে দ্বিতীয় স্থান লাভ কৰিছিল, কংগ্ৰেছে ৫ খন আসন লাভ কৰি তৃতীয় স্থানলৈ অৱনমিত হৈছিল। বিজেপিয়ে খ্ৰীষ্টান সংখ্যাগৰিষ্ঠ ৰাজ্যখনত একমাত্ৰ আসন জিকি আত্মপ্ৰকাশ কৰিছিল।
যদিও এমএনএফ, জেডপিএম আৰু কংগ্ৰেছে সকলো আসনতে প্ৰাৰ্থিত্ব প্ৰদান কৰিছে তথাপি পাঁচ বছৰ পূৰ্বে ৩৯খন আসনত প্ৰতিদ্বন্দ্বিতা কৰা বিজেপিয়ে ২৩জনক প্ৰাৰ্থিত্ব প্ৰদান কৰিছিল৷
Continue Reading
