ডিজিটেল ডেস্কঃ দক্ষিণ কামৰূপৰ মিৰ্জাৰ চ'কত যোৱা নিশা প্ৰায় ২ বজাত সংঘটিত হয় এক ভয়ংকৰ পথ দুৰ্ঘটনা। এখন চাৰিচকীয়া বাহন আৰু এখন ট্ৰাকৰ মাজত হয় ভয়ংকৰ মুখামুখি সংঘৰ্ষ ।
এই সংঘৰ্ষৰ ফলত চাৰিচকীয়া বাহনখনত থকা কোছপাৰাৰ লৱ দাস নামৰ ৪০ বছৰীয়া লোকজন থিতাতে নিহত হোৱাৰ লগতে কোছপাৰাৰে নিতুল ঠাকুৰীয়া নামৰ আন এজন লোক গুৰুতৰভাৱে আহত হয়।
পোন প্ৰথমে মিৰ্জাৰ চৰকাৰী চিকিৎসালয়ত দুয়োজনকে লৈ যোৱা হয় যদি লৱ দাসক চিকিৎসকে মৃত ঘোষণা কৰে। পৰৱৰ্তী সময়ত লৱ দাসৰ মৃতদেহ পলাশবাৰী আৰক্ষী থানাৰ মৰ্গত ৰখা হয় আৰু আনফালে নিতুল ঠাকুৰীয়াক উন্নত চিকিৎসাৰ বাবে এখন ব্যক্তিগত চিকিৎসালয়ত ভৰ্তি কৰোৱা হয়।
ইফালে আজি মৰণোত্তৰ পৰীক্ষাৰ বাবে গুৱাহাটীলৈ প্ৰেৰণ কৰা হয় লৱ দাসৰ মৃতদেহ। উক্ত ভয়ংকৰ পথ দুৰ্ঘটনাৰ দৃশ্য বন্দী হৈছে CCTV কেমেৰাত। দুৰ্ঘটনাগ্ৰস্ত চাৰি চকীয়া বাহন খনৰ নম্বৰ হৈছে AS01 AL2398 আনহাতে ট্ৰাক খনৰ নম্বৰ হৈছে AS01 TC 9882।
এই ঘটনাই অঞ্চলজুৰি শোকৰ ছাঁ পেলাইছে।
Continue Reading
