ডিজিটেল ডেস্কঃ ৰমজান মাহত গাজলৈ শান্তি আহিব! সেই আশাৰেই ৰাষ্ট্ৰসংঘৰ নিৰাপত্তা পৰিষদত গ্ৰহণ কৰা হৈছে যুদ্ধ বিৰতিৰ প্ৰস্তাৱ। ৰাষ্ট্ৰসংঘৰ নিৰাপত্তা পৰিষদৰ ১৫ খন দেশৰ ভিতৰত ১৪ খন দেশে যুদ্ধবিৰতিৰ সপক্ষে ভোট দিছে, আনহাতে আমেৰিকাই ভোটত অংশগ্ৰহণ কৰাৰ পৰা বিৰত থাকে। ইজৰাইল আৰু হামাছে যোৱা বছৰৰ অক্টোবৰ মাহৰ পৰা যুদ্ধৰত হৈ আছে। যুদ্ধৰ আটাইতকৈ ডাঙৰ প্ৰভাৱ পৰিছে গাজাত । গাজাত হাজাৰ হাজাৰ লোকৰ মৃত্যু হৈছে আৰু লাখ লাখ লোক গৃহহীন হৈছে।
গাজাত খাদ্য, সংকটে দেখা দিছে। । ইফালে পবিত্ৰ ৰমজান মাহত গাজাত শান্তি স্থাপনৰ বাবে বিশ্বৰ বহু কেইখন দেশে ৰাষ্ট্ৰসংঘৰ মজিয়াত প্ৰস্তাৱ গ্ৰহণ কৰিছে। ৰাষ্ট্ৰসংঘৰ নিৰাপত্তা পৰিষদে (ইউএনএছচি) গাজাত তাৎক্ষণিক যুদ্ধবিৰতিৰ আহ্বান জনাই এক প্ৰস্তাৱ গৃহীত কৰিছে।
ইউএনএছচিয়ে মুছলমানসকলৰ পবিত্ৰ ৰমজান মাহত গাজাত তাৎক্ষণিক যুদ্ধবিৰতিৰ প্ৰস্তাৱ গৃহীত কৰি শান্তি স্থাপনৰ বাবে সকলোকে আহ্বান জনাইছে। ইজৰাইল আৰু হামাছৰ মাজত সংঘৰ্ষ বন্ধ কৰিবলৈ ৰাষ্ট্ৰসংঘৰ নিৰাপত্তা পৰিষদে এই প্ৰস্তাৱ গ্ৰহণ কৰিছে। ১৪ খন দেশে এই প্ৰস্তাৱৰ সপক্ষে ভোট দিছে, আনহাতে আমেৰিকা যুক্তৰাষ্ট্ৰ ভোটদানৰ পৰা বিৰত থাকে।
ৰাষ্ট্ৰসংঘৰ মহাসচিব এণ্টনিঅ' গুটেৰেছে এক্সৰ এটা পোষ্টত কয়, "নিৰাপত্তা পৰিষদে গাজা সন্দৰ্ভত এক দীৰ্ঘ প্ৰতীক্ষিত প্ৰস্তাৱত অনুমোদন জনাইছে, য'ত তাৎক্ষণিক যুদ্ধবিৰতি আৰু সকলো বন্দীক তাৎক্ষণিক আৰু চৰ্তহীনভাৱে মুক্তি দিয়াৰ আহ্বান জনোৱা হৈছে।"
ৰাষ্ট্ৰসংঘত আমেৰিকা যুক্তৰাষ্ট্ৰৰ ৰাষ্ট্ৰদূত লিণ্ডা থমাছ গ্ৰীণফিল্ডে কয় যে ৰমজান মাহত আমি শান্তিৰ বাবে নিজকে পুনৰ প্ৰতিশ্ৰুতিবদ্ধ কৰিব লাগিব।" তেওঁ কয়, " আমি হামাছৰ ওপৰত সেয়া কৰিবলৈ হেঁচা দিব লাগিব।"ৰাষ্ট্ৰসংঘত ব্ৰিটেইনৰ স্থায়ী ৰাষ্ট্ৰদূত বাৰবাৰা উডৱাৰ্ডে কয় যে তেওঁৰ দেশে দীৰ্ঘম্যাদী যুদ্ধবিৰতিৰ বাবে তাৎক্ষণিক যুদ্ধ বন্ধৰ আহ্বান জনাইছে। তেওঁ হামাছে বন্দী কৰি ৰখাসকলক তাৎক্ষণিকভাৱে মুক্তি দিয়াৰ বিষয়তো জোৰ দিয়ে।
Continue Reading
