মন্দিৰত প্ৰাৰ্থনা কৰি আছিল কিশোৰীয়ে, চোপ লৈ আছিল লম্পট পুৰোহিতে, তাৰ পাছত এই ভয়ংকৰ ঘটনা

ডিজিটেল ডেস্ক : মন্দিৰতকৈ নিৰাপদ স্থান আৰু কিনো আছে? সকলো অপায়-অমংগল মন্দিৰৰ বাহিৰতে ৰৈ যায় বুলিয়েই বিশ্বাস কৰা হয়। কিন্তু মন্দিৰৰ ভিতৰতেই আছে যদি ছদ্মৱেশত লুকাই থাকে অশুভ শক্তি তেন্তে কাৰ কি কৰাৰ উপায় থাকে? ঠিক এনে এটা ঘটনাই সংঘটিত হৈছে পবিত্ৰ মন্দিৰত। মাক-দেউতাকৰ হাতত ধৰি মন্দিৰ দৰ্শন কৰিবলৈ যোৱা এগৰাকী ১২বছৰীয়া কিশোৰী যৌন নিৰ্যাতনৰ বলি হ’ল এটা মন্দিৰৰ ভিতৰত। তাকো এই দুষ্কাৰ্য সংঘটিত কৰিছে এগৰাকী পুৰোহিতে।

শুকুৰবাৰে ৰাতি এই ভয়ংকৰ ঘটনা সংঘটিত হয়। এই দুষ্কাৰ্য সংঘটিত হৈছে পুৰীৰ পবিত্ৰ জগন্নাথ মন্দিৰত। এই ঘটনাত জড়িত সংগ্ৰাম দাস নামৰ এজন পুৰোহিত। পুৰীৰ জগন্নাথ মন্দিৰৰ ভিতৰৰ বামন মন্দিৰত এই ঘটনা সংঘটিত হৈছে। পুৰীৰ মন্দিৰৰ ভিতৰত আছে ১৩৬টা সৰু সৰু মন্দিৰ। এইসমূহক কোৱা হয় বামন মন্দিৰ বুলি।

জানিব পৰা মতে এটা মন্দিৰৰ ভিতৰত সোমাই প্ৰাৰ্থনা কৰি আছিল কিশোৰীগৰাকীয়ে। সেই সময়ত তেওঁৰ পিতৃ-মাতৃ কাষত নাছিল। যাৰ সুযোগ গ্ৰহণ কৰি পুৰোহিতজনে যৌন নিৰ্যাতন চলায় কিশোৰীগৰাকীক।

কিশোৰীগৰাকীয়ে পুৰোহিতজনৰ কৱলৰ পৰা মুক্ত হৈ কোনোমতে পিতৃ-মাতৃৰ কাষলৈ আহে আৰু সমস্ত ঘটনাৰ কথা বিৱৰি কয়। তাৰ পাছতে কিশোৰীগৰাকীৰ পিতৃ-মাতৃয়ে ঘটনা সম্পৰ্কত আৰক্ষীৰ আগত অভিযোগ দাখিল কৰে আৰু আৰক্ষীয়ে তাতক্ষণিকভাৱে পুৰোহিতজনক আটক কৰে আৰু তাৰপাছত গ্ৰেপ্তাৰ কৰা হয়।