ডিজিটেল ডেস্ক: আঠ ঘণ্টাজোৰা মাৰাথন জেৰাৰ অন্তত দিল্লীৰ উপ-মুখ্যমন্ত্ৰী মনীষ ছিচোদিয়াক গ্ৰেপ্তাৰ কৰিছে চিবিআই-এ৷ ইতিমধ্যে মনীষ ছিচোদিয়াৰ গ্ৰেপ্তাৰত প্ৰতিক্ৰিয়া প্ৰকাশ কৰিছে আম আদমী পাৰ্টীয়ে৷
শেহতীয়াকৈ ছিচোদিয়াৰ গ্ৰেপ্তাৰক লৈ মুখ খুলিছে তেওঁৰ দীৰ্ঘকালৰ সংগী তথা দিল্লীৰ মুখ্যমন্ত্ৰী অৰবিন্দ কেজৰিৱালে৷ অৰবিন্দ কেজৰিৱালে ছিচোদিয়াক নিৰ্দোষী আখ্যা দিছে৷ এটা টুইটযোগে তেওঁ কয়, ‘মনীষ নিৰ্দোষী৷ তেওঁৰ গ্ৰেপ্তাৰ হৈছে লেতেৰা ৰাজনীতি। মনীষক গ্ৰেপ্তাৰ কৰাৰ বাবে জনসাধাৰণ ক্ষোভিত হৈ পৰিছে৷ সকলোৱে সকলো কথা চাই আছে। জনসাধাৰণে সকলো বুজি পাইছে। তেওঁলোকেই ইয়াৰ প্ৰত্যুত্তৰ দিব।’
মনীষ ছিচোদিয়াৰ গ্ৰেপ্তাৰে আম আদমী পাৰ্টীৰ আত্মাক আৰু অধিক উৎসাহিত কৰাৰ লগতে দলীয় সংগ্ৰাম শক্তিশালী কৰিব বুলি মন্তব্য কৰে৷
Continue Reading
