ডিজিটেল ডেস্কঃ পুনৰ প্ৰেক্ষাপটত সাধ্বী প্ৰজ্ঞাৰ প্ৰসংগ৷ নিৰ্বাচনমুখী মধ্যপ্ৰদেশত ভাৰতীয় জনতা পাৰ্টীৰ প্ৰচাৰ অভিযানৰ পৰা বাদ পৰিছে মালেগাওঁ বিস্ফোৰণৰ অভিযুক্ত তথা ভোপালৰ বিজেপি সাংসদ প্ৰজ্ঞা সিং ঠাকুৰ।
২০১৯ চনৰ লোকসভা নিৰ্বাচনত ভোপালৰ পৰা প্ৰাৰ্থীত্ব লাভ কৰি বিতৰ্কৰ সৃষ্টি হোৱা সাধ্বীৰ বাবে ই এক ডাঙৰ পতন।২০১৯ চনত প্ৰজ্ঞা ঠাকুৰে ভোপালত কংগ্ৰেছৰ প্ৰবীণ নেতা দিগ্বিজয় সিঙক ৩.৬৫ লাখ ভোটত পৰাস্ত কৰে।জয়ে হোৱাৰ মাত্ৰ ছমাহৰ পাছত ২০১৯ চনৰ নৱেম্বৰ মাহত মহাত্মা গান্ধীৰ হত্যাকাৰী নাথুৰাম গডছেক “দেশপ্ৰেমিক” বুলি অভিহিত কৰি তেওঁ এক বৃহৎ ৰাজনৈতিক বিতৰ্কৰ সূচনা কৰিছিল। লোকসভাত কৰা মন্তব্যক লৈ ইমানেই ক্ষোভৰ সৃষ্টি হৈছিল যে পেনেলত মনোনীত হোৱাৰ মাত্ৰ আঠ দিনৰ পাছতেই লাজত পৰা বিজেপিয়ে তেওঁক প্ৰতিৰক্ষা বিষয়ত সংসদীয় পৰামৰ্শদাতা সমিতিৰ পৰা বাদ দিছিল।
বিজেপিৰ এগৰাকী জ্যেষ্ঠ কাৰ্যকৰ্তাৰ মতে, ভোপালৰ প্ৰাৰ্থীকে ধৰি একাংশ দলীয় প্ৰাৰ্থীয়ে লোকসভাৰ আসনখনক প্ৰতিনিধিত্ব কৰা ঠাকুৰৰ অবিহনে নিজৰ সমষ্টিত প্ৰচাৰ চলাব পাৰিব বুলি দলৰ নেতৃত্বক অনুৰোধ জনাইছিল।আন এগৰাকী বিজেপি নেতাই কয় যে তাৰকা প্ৰচাৰক তালিকা চূড়ান্ত কৰাৰ বাবে অনুষ্ঠিত এখন বৈঠকৰ সময়ত অনুভৱ কৰা হৈছিল যে ঠাকুৰক তালিকাত অন্তৰ্ভুক্ত কৰাটো উপযুক্ত নহ’ব কাৰণ তেওঁ অপ্ৰয়োজনীয়ভাৱে দৃষ্টি আকৰ্ষণ কৰিব।
Continue Reading
