ডিজিটেল ডেস্কঃ দিল্লীৰ মহিলাসকলক এক বিশেষ পৰামৰ্শ দিলে ৰাজ্য খনৰ মুখ্যমন্ত্ৰী অৰবিন্দ কেজৰিৱালে। মহিলাসকলক উদ্দেশ্যি কেজৰিৱালে কয় যে যিসকল মহিলাৰ পতিয়ে অনবৰতে মোদী মোদী কৰি থাকে তেনে পতিসকলক পত্নীয়ে খাদ্যৰ যোগান ধৰিব নালাগে।
শনিবাৰে দিল্লীত মহিলা সন্মান সমাৰোহত অংশগ্ৰহণ কৰি কেজৰিৱালে এনেদৰে কয়। ২০২৪ৰ লোকসভা নিৰ্বাচনৰ বাবে আজি একপ্ৰকাৰৰ প্ৰচাৰ অভিযান আৰম্ভ কৰি কেজৰিৱালে কয় যে দিল্লীৰ মহিলাসকলে এতিয়া যথাযথ সন্মান লাভ কৰিছে।
তেওঁলোকে এতিয়া আৰু খালী পাৰ্ছ লৈ ঘূৰিব নালাগে। প্ৰতি মাহে তেওঁলোকৰ পাৰ্ছত ১০০০ টকাকৈ সোমাব। কেজৰিৱালে ২০২৪ৰ লোকসভা নিৰ্বাচনত আপৰ প্ৰাৰ্থীক ভোট দি জয়যুক্ত কৰিবলৈ আহ্বান জনায়।
কেজৰিৱালে তেওঁৰ ভাষণত প্ৰধানমন্ত্ৰী মোদীক সমালোচনা কৰি কয় যে মহিলা সৱলীকৰণৰ কথা কৈ অহা হৈছে যদিও বিজেপিয়ে দলৰ দুই এগৰাকী মহিলাৰ কল্যাণ সাধন কৰিয়েই সকলো মহিলাৰ সৱলীকৰণ হোৱা বুলি দেুৱা বিচাৰিছে।
Continue Reading
