ডিজিটেল ডেস্ক: ব্ৰিটিছে সংৰোপণ কৰা হিন্দু-মুছলমানৰ মাজৰ বিদ্বেষ ভাৰতীয় সমাজত গভীৰ ভবে শিপাই আছে। আজিও সাম্প্ৰদায়িক সংঘৰ্ষৰ পৰা মুক্ত নহয় ভাৰত। তেনে এক বিদ্বেষমূলক ঘটনা সংঘটিত হৈছে উত্তৰ প্ৰদেশৰ অযোধ্যাত। মোডী-যোগীক প্ৰশংসা কৰাই কাল হৈ পৰিল উত্তৰ প্ৰদেশৰ এগৰাকী মুছলিম মহিলাৰ বাবে। মোডী-যোগীক প্ৰশংসা কৰা বাবে স্বামীয়ে জ্বলাই দিবলৈ চেষ্টা কৰাৰ লগতে তালাক দিলে পত্নীক।
প্ৰাপ্ত তথ্য অনুসৰি ২০২৩ চনৰ ডিচেম্বৰ মাহত আৰ্ছাদ মৰিয়ামৰ সৈতে বিবাহপাশত আবদ্ধ হৈছিল। গ্ৰাম্য অঞ্চলত বাস কৰা মৰিয়মে অযোধ্যাৰ পৰিৱেশ দেখি মুগ্ধ হৈ পৰিছিল। অযোধ্যা নগৰৰ মনোমহা পৰিবেশৰ বাবে প্ৰধানমন্ত্ৰী মোদী আৰু উত্তৰ প্ৰদেশৰ মুখ্যমন্ত্ৰী যোগী আদিত্য নাথক প্ৰশংসা কৰাত খঙত বিবেক হেৰুৱাই আৰ্ছাদে মৰিয়মৰ গাত গৰম পানী নিক্ষেপ কৰে। ইয়াৰ পিছত তেওঁ পত্নীৰ সৈতে বিবাহ বিচ্ছেদ কৰে।
ধৰ্মীয় বিদ্বেষে আজি এনে পৰ্যায় পাইছে অন্য ধৰ্মৰ লোকৰ প্ৰশংসা কৰাৰ বাবেই নিজৰ আত্মীয় জনকো ত্যাগ কৰিবলৈ সাজু। এনে ধৰ্মীয় উত্তেজনাৰ বাবে যে ভাৰতত আকৌ তেজৰ নৈ ব’ব সেয়া ধূৰুপ। বৰ্তমানৰ সামাজিক ৰাজনৈতিক পৰিবেশে সময়ে সময়ে শংকিত কৰি আহিছে সাধাৰণ জনতাক।
Continue Reading
