ডিজিটেল ডেস্কঃ পাকিস্তানী কন্যা সীমা হাইদৰে যোৱা বছৰ প্ৰেমৰ বাবেই চাৰিটা সন্তানৰ সৈতে অবৈধভাৱে ভাৰতত প্ৰৱেশ কৰিছিল। জেললৈও যাবলগীয়া হৈছিল। সেই সীমাৰ সন্মুখত শুনা গ’ল প্ৰধানমন্ত্ৰী নৰেন্দ্ৰ মোডীৰ প্ৰশংসা। মোডী চৰকাৰে CAA কাৰ্যকৰী কৰাৰ সিদ্ধান্তক আদৰণি জনাই তেওঁ কয় যে প্ৰধানমন্ত্ৰীয়ে নিজৰ কথা পালন কৰিলে।
তেওঁ দাবী কৰে যে CAA ৰূপায়ণে ভাৰতৰ নাগৰিকত্ব লাভ কৰাত সহায় কৰিব। যদিও সীমাই CAA ৰ পৰা প্ৰত্যক্ষ সাহায্য নাপাব। কাৰণ, নাগৰিকত্ব সংশোধনী আইন (CAA) অনুসৰি ২০১৪ চনৰ ৩১ ডিচেম্বৰলৈকে পাকিস্তান, বাংলাদেশ আৰু আফগানিস্তানৰ পৰা ধৰ্মীয় নিৰ্যাতনৰ বাবে এই দেশলৈ অহা শৰণাৰ্থীসকলক ভাৰতীয় নাগৰিকত্ব দিয়া হ’ব। সেই দেশৰ পৰা অহা হিন্দু, শিখ, জৈন, বৌদ্ধ, পাৰ্চী আৰু খ্ৰীষ্টান শৰণাৰ্থীক নাগৰিকত্ব প্ৰদানৰ কথা CAA ত উল্লেখ আছে।
যিহেতু সীমা ২০১৪ চনৰ পিছত ভাৰতলৈ আহিছিল আৰু তেতিয়া মুছলমান আছিল, সেয়েহে CAA ৰ অধীনত সুবিধা পোৱাৰ কোনো সম্ভাৱনা নাই। যদিও মোডী চৰকাৰৰ সিদ্ধান্তত সুখী। সংবাদ মাধ্যমত তেওঁ কয় যে ভাৰত চৰকাৰে আজি আমাৰ দেশত CAA ৰূপায়ণ কৰিছে। ইয়াৰ বাবে আমি অতি সুখী আৰু ইয়াৰ বাবে চৰকাৰক অভিনন্দন জনাইছো। সঁচাকৈয়ে মোডীজীয়ে যি প্ৰতিশ্ৰুতি দিছিল তাকেই কৰিলে। মই গোটেই জীৱন তেওঁলোকৰ ওচৰত ঋণী হৈ থাকিম।”
Continue Reading
