ডিজিটেল ডেস্কঃ ভয়ংকৰ মটৰ দুৰ্ঘটনাত পতিত হোৱাৰ ১৭ দিন পিছত প্ৰথমবাৰৰ বাবে মুখ খুলিলে ঋষভ পণ্টে। সোমবাৰে আবেলি এটা টুইট কৰে পণ্টে। তাত তেওঁ লিখিছে যে ক্ৰিকেটলৈ উভতি অহাৰ যুঁজ আৰম্ভ হৈছে। বোৰ্ড আৰু তেওঁৰ চিকিৎসকসকলকো ধন্যবাদ জনাইছে তাৰকাগৰাকীয়ে।
পণ্টে লিখিছিল, "দুৰ্ঘটনাটোৰ পিছত মই লাভ কৰা মৰম আৰু শুভেচ্ছাৰ দ্বাৰা মই অভিভূত আৰু আবদ্ধ। মোৰ অস্ত্ৰোপচাৰ সফল হৈছে বুলি জনাবলৈ পাই মই অত্যন্ত সুখী। উভতি অহাৰ প্ৰক্ৰিয়া আৰম্ভ হৈছে। আহিবলগীয়া দিনবোৰত মোৰ বাবে অপেক্ষা কৰি থকা প্ৰত্যাহ্বানবোৰৰ বাবে সাজু। ভাৰতীয় ক্ৰিকেট নিয়ন্ত্ৰণ ব'ৰ্ড, সচিব জয় শ্বাহ আৰু চৰকাৰী বিষয়াসকলক প্ৰচণ্ড সমৰ্থনৰ বাবে বহুত ধন্যবাদ।"
দ্বিতীয়টো টুইটত পন্তে লিখিছিল, "মই মোৰ অন্তৰৰ পৰা সকলো অনুৰাগী, সতীৰ্থ, চিকিৎসক আৰু ফিজিঅ'ক ধন্যবাদ জনাইছো। মই খেলপথাৰত সকলোকে লগ কৰিবলৈ অপেক্ষা কৰি আছোঁ। "
