ডিজিটেল ডেস্কঃ পুনৰ যৌন কেলেংকাৰীত সোমাই পৰিছে পাকিস্তানৰ অধিনায়ক বাবৰ আজম। লিক হৈছে বাবৰৰ কেতবোৰ আপত্তিজনক অডিঅ’ হোৱাটচাপ চাট আৰু ভিডিঅ’। এই লৈ উত্তেজনাময় হৈ পৰিছে পাকিস্তানৰ ক্ৰিকেট জগত। কেইবাটাও সংবাদ সংস্থাই এই সন্দৰ্ভত বাতৰি প্ৰকাশ কৰিছে।
বাতৰি অনুযায়ী, পাকিস্তান ক্ৰিকেট দলৰে এগৰাকী সতীৰ্থৰ গাৰ্লফ্ৰেণ্ডক বাবৰে যৌনমূলক বাৰ্তা প্ৰেৰণ কৰিছিল। এই হোৱাটচাপ চাটিং আৰু ভিডিঅ’সমূহ সামাজিক মাধ্যমত ভাইৰেল হৈ পৰিছে। অৱশ্যে এইসমূহৰ যথাযথ সত্যতা সন্দৰ্ভত এতিয়ালৈকে জানিব পৰা হোৱা নাই।
যিসকলে বাবৰৰ অডিঅ’ চাটসমূহ লিক কৰিছে, তেওঁলোকে দাবী কৰিছে সতীৰ্থ ক্ৰিকেটাৰজনৰ গাৰ্লফ্ৰেণ্ডক বাবৰে কেইবাটাও প্ৰস্তাৱ দিছে। যদি গাৰ্লফ্ৰেণ্ডগৰাকীয়ে তেওঁৰ স’তে চেক্স চাট অব্যাহত ৰাখে, তেন্তে উক্ত ক্ৰিকেটাৰজন পাকিস্তানৰ দলত থাকিব পাৰিব।
এই সন্দৰ্ভত প্ৰতিক্ৰিয়া প্ৰকাশ কৰিছে বাবৰৰ অনুৰাগীসকলে। তেওঁলোকে কৈছে যে ক্ৰিকেটাৰগৰাকীৰ ভাৱমূৰ্তি নষ্ট কৰিবলৈ এইসমূহ অপপ্ৰচাৰ চলোৱা হৈছে।
উল্লেখ্য যে ইয়াৰ পূৰ্বেও বাবৰৰ ওপৰত এনেধৰণৰ অভিযোগ সাব্যষ্ট কৰা হৈছিল। হামিঝা মুখটাৰ নামৰ এগৰাকী যুৱতীক যৌন হাৰাশাস্তি কৰাৰ অভিযোগত বাবৰক দোষী সাব্যষ্ট কৰা হৈছিল।
