মুখৰ গোন্ধক নকৰিব অৱহেলা, হৃদৰোগৰ লক্ষণো হ’ব পাৰে! জানক সবিশেষ

বিশেষজ্ঞসকলৰ মতে, যেতিয়া বেক্টেৰিয়াই আপোনাৰ মুখত অৱশিষ্ট খাদ্যৰ পৰা গোন্ধযুক্ত যৌগ প্ৰস্তুত কৰে, তেতিয়া আপুনি মুখৰ দুৰ্গন্ধত ভুগিব পাৰে, যাক হেলিটোচিছ বুলিও কোৱা হয়। বেছিভাগ খাদ্যাভ্যাস, ধূমপান বা বুকু জ্বলাৰ দৰে কাৰণৰ ফলত আপোনাৰ মুখৰ পৰা নিৰ্গত দুৰ্গন্ধ হৃদযন্ত্ৰৰ সমস্যাৰ সতৰ্কবাণী হ'ব পাৰে। 

যদি আপোনাৰ প্ৰায়ে মুখখন বেয়াকৈ গোন্ধাই বা আপোনাৰ মুখত এক অদ্ভুত সোৱাদ অনুভূত কৰে, লগে লগে চিকিৎসকৰ সৈতে কথা পাতক। 

মুখৰ দুৰ্গন্ধ আৰু হৃদৰোগৰ মাজৰ সম্পৰ্ক কি? 

অধ্যয়ন অনুসৰি, আপোনাৰ মুখত দুৰ্গন্ধ সৃষ্টি কৰা বেক্টেৰিয়াই আপোনাৰ দাঁতৰ আলুৰ পৰা তেজৰ প্ৰবাহলৈ ভ্ৰমি ফুৰিব পাৰে৷ গৱেষণাই কয় যে দাঁতৰ আলুৰ ৰোগ থকা লোকসকলৰ সংবহন প্ৰণালীত সমস্যা হোৱাৰ সম্ভাৱনা প্ৰায় দুগুণ হ'ব পাৰে, যাৰ ভিতৰত আছে ধমনীবোৰ কঠিন হোৱা, ভৰিত তেজ গোট মৰা, আৰু হৃদযন্ত্ৰৰ আক্ৰমণ আৰু ষ্ট্ৰোক। হাৰ্ভাৰ্ড হেল্থ পাব্লিচিঙৰ মতে, সমগ্ৰ বিশ্বৰ প্ৰায় ৩০ শতাংশ লোকে মুখৰ দুৰ্গন্ধৰ অভিযোগ কৰে, যাক তেওঁলোকে গুৰুত্বসহকাৰে নলয়। কিছুমান লোকে আনকি তেওঁলোকৰ নিজৰ হেলিটোচিছৰ বিষয়ে অৱগত নহয় আৰু আত্মীয়, বন্ধু বা সহকৰ্মীৰ পৰা ইয়াৰ বিষয়ে শিকে, যাৰ ফলত কিছু পৰিমাণে অসুবিধাৰ সন্মুখীন হয়৷ গুৰুতৰ ক্ষেত্ৰত মুখৰ দুৰ্গন্ধই ব্যক্তিগত সম্পৰ্ক আৰু ব্যক্তি এজনৰ জীৱনৰ মানৰ ওপৰত নেতিবাচক প্ৰভাৱ পেলাব পাৰে। চিকিৎসকসকলে প্ৰতি ছয় মাহত নিয়মীয়াকৈ দাঁতৰ পৰীক্ষা আৰু দাঁত পৰিষ্কাৰ কৰাৰ সময়সূচী নিৰ্ধাৰণ কৰাৰ পৰামৰ্শ দিয়ে।