ডিজিটেল ডেস্কঃ পুনৰ চলন্ত বিমানত ঘটিল অঘটন৷ মঙলবাৰে মুম্বাইৰ পৰা বেংগালুৰু অভিমুখী স্পাইচজেটৰ বিমানখনৰ এজন যাত্ৰী শৌচাগাৰ দুৱাৰৰ বিজুতিৰ বাবে এঘণ্টাৰো অধিক সময় এটা শৌচাগাৰৰ ভিতৰত আবদ্ধ হৈ পৰে।
মুম্বাইৰ পৰা উৰণৰ পাছত ছিটবেল্টৰ চিন বাজি উঠাৰ পাছত পুৰুষ যাত্ৰীজনে শৌচাগাৰলৈ যায় যদিও ভিতৰত আবদ্ধ হৈ পৰে। বেংগালুৰুত অৱতৰণ কৰালৈকে তেওঁ অপেক্ষা কৰিবলগীয়া হয় যেতিয়া কাৰিকৰী লোকসকলে দুৱাৰখন খুলি দিয়ে।
বিমান সংস্থাটোৱে এই ঘটনাক লৈ দুখ প্ৰকাশ কৰি এক বিবৃতি প্ৰকাশ কৰি কয় যে সমগ্ৰ যাত্ৰাত যাত্ৰীজনক সহায় আগবঢ়োৱা হৈছিল।
স্পাইচজেটে কয় যে- "১৬ জানুৱাৰীত মুম্বাইৰ পৰা বেংগালুৰুলৈ চলি থকা স্পাইচজেটৰ বিমানখনত দুৰ্ভাগ্যজনকভাৱে এজন যাত্ৰী লেভেটৰীৰ ভিতৰত প্ৰায় এঘণ্টা ধৰি আবদ্ধ হৈ পৰিছিল, আনহাতে দুৱাৰৰ তলাত বিজুতিৰ সময়ত বিমানখন আকাশত আছিল। গোটেই যাত্ৰাটোত যাত্ৰীজনক আমাৰ ক্ৰুৱে সহায় আৰু পথ প্ৰদৰ্শন কৰিছিল।"
কোম্পানীটোৱে লগতে কয় যে, "আগমনৰ লগে লগে এজন অভিযন্তাই লেভেটৰীৰ দুৱাৰখন খুলি দিয়ে আৰু যাত্ৰীজনে তৎক্ষণাত চিকিৎসাৰ সহায় লাভ কৰে৷" স্পাইচজেটে যাত্ৰীজনৰ অসুবিধাৰ বাবে অনুশোচনা কৰিছে আৰু ক্ষমা বিচাৰিছে।
Continue Reading
