ডিজিটেল ডেস্কঃ ৰাহুল গান্ধীয়ে দেওবাৰে দুপৰীয়া ১২ বজাত মণিপুৰত শান্তিৰ বাৰ্তাৰে 'ভাৰত জোড়ো ন্যায় যাত্ৰা' আৰম্ভ কৰিছিল।ইয়াৰ পিছতে উত্তৰ-পূবৰ ৰাজ্যখনত পুনৰ হিংসাত্মক ঘটনা সংঘটিত হৈছে। বুধবাৰে মণিপুৰৰ মৰেহ জিলাত সন্ত্ৰাসবাদীৰ আক্ৰমণত এজন ভাৰতীয় ৰিজাৰ্ভ বেটেলিয়ন (আইআৰবি) কমাণ্ডো নিহত হয় বুলি আৰক্ষীয়ে জানিবলৈ দিছে।নিহত কমাণ্ডো জনৰ নাম ডব্লিউ সমৰজিৎ।
এই ঘটনাত আন এজন সৈনিক আহত হয়। পুৱা প্ৰায় ৪ বজাত আইআৰবি কৰ্মীসকলৰ ওপৰত বিদ্ৰোহীয়ে আক্ৰমণ সংঘটিত কৰে। আইআৰবি কৰ্মীসকলে সেই সময়ত এমা কণ্ডং লাইৰেম্বি দেৱীৰ মন্দিৰৰ ওচৰৰ অস্থায়ী শিবিৰত শুই আছিল।বিদ্ৰোহীয়ে আক্ৰমণটো সংঘটিত কৰিবলৈ চিকিম গাঁৱৰ পাহাৰত শিবিৰ পাতিছিল।
গ্ৰেনেড আক্ৰমণটো দূৰৈৰ পৰাই কৰা হৈছিল। বিস্ফোৰণৰ ফলত অস্থায়ী শিবিৰত শুই থকা এজন আইআৰবি কমাণ্ডো নিহত হয়। আন এজন কমাণ্ডো আঘাতপ্ৰাপ্ত হয়। অসম ৰাইফলছৰ শিবিৰ এটা আক্ৰমণটো সংঘটিত হোৱা ঠাইৰ পৰা প্ৰায় ২০ মিটাৰ দূৰৈত আছিল। আক্ৰমণৰ পিছত সেনাই বুলেটপ্ৰুফ বাহনৰে সমগ্ৰ অঞ্চলটো ঘেৰি ধৰে। কিন্তু কোনো লোককে এতিয়ালৈকে আটক কৰিব পৰা হোৱা নাই।
Continue Reading
