ডিজিটেল ডেস্কঃ অত্যাধুনিক মেচিন থকা জিলিকি থকা কেইবাটাও ৱাৰ্ড। ৰোগীৰ বাবে বিচনা, অপাৰেচন ৰুম, কেবিন। চিকিৎসকে সদায় ডিঙিত ষ্টেথ’স্কোপ লৈ ঘূৰি ফুৰে। ৰোগীক চাবলৈ দৌৰি ফুৰে নাৰ্চ! এখন চিকিৎসালয়ত মানুহৰ প্ৰয়োজনীয় সকলো বস্তু আছে তাত। কিন্তু এই সকলোবোৰ ভুৱা!
তেনে এখন ভুৱা চিকিৎসালয় উদ্ধাৰ হৈছে হাৰিয়ানাৰ গুৰুগ্ৰামত। ১৬ বিচনাযুক্ত চিকিৎসালয়খনত ব্যক্তিগত কোঠা, পৰীক্ষাগাৰ, শাৰীৰিক পৰীক্ষাৰ সঁজুলি, আই চি ইউ, ঔষধৰ দোকান, লেবাৰ ৰুম, আনকি জৰুৰীকালীন বিভাগও আছে। সমগ্ৰ অট্টালিকাটোৰ সজ্জা আৰু শৈলীলৈ চালে ইয়াক চিকিৎসালয় বুলি ভুল কৰিব পাৰি। আৰু সেয়া স্বাভাৱিক। কাৰণ ভুৱা চিকিৎসালয়খন তেনেকৈয়ে বনোৱা হৈছিল। গুৰুগ্ৰাম আৰক্ষীয়ে ভুৱা চিকিৎসালয়খনৰ সন্ধান লাভ কৰাৰ পাছতে ব্যৱস্থা লয়।
আৰক্ষীয়ে জনোৱা মতে, চিকিৎসালয়খনৰ পৰিচালনাৰ দায়িত্বত থকা ব্যক্তিজন দশম শ্ৰেণীৰ উত্তীৰ্ণ। ইয়াৰ পূৰ্বে চিকিৎসালয়খনৰ মূল চিকিৎসক বুলি চিনাকি দিয়ে। গুৰুগ্ৰামৰ উপ ৱাৰ্ডেন অধীক্ষক ইন্দ্ৰজিৎ যাদৱে কয় যে ভূৱা চিকিৎসালয়ৰ তথ্য গোপন সূত্ৰৰ পৰা লাভ কৰা হৈছিল। হাৰিয়ানাৰ নুহাৰৰ বাসিন্দা জুনাইদ আৰু উত্তৰ প্ৰদেশৰ কানপুৰৰ বাসিন্দা প্ৰিয়াই চিকিৎসালয়খন চলাই আছিল। নিজকে তেওঁলোকে ডাক্তৰ বুলিয়েও পৰিচয় দিছিল।
আৰক্ষীয়ে জনোৱা মতে, হঠাতে চিকিৎসালয়খনত অভিযান চলোৱা হয়। জুনাইদ আৰু প্ৰিয়াক চিকিৎসালয়ৰ অনুজ্ঞাপত্ৰকে ধৰি জৰুৰী নথি-পত্ৰ বিচৰা হয়। কিন্তু তেওঁলোকে কোনো বৈধ নথি দেখুৱাব নোৱাৰিলে। ইয়াৰ পিছতে আৰক্ষীয়ে জুনেইদ, প্ৰিয়া, সঞ্জয় প্ৰজাপতি, মোহিত নামৰ চাৰিজন ‘চিকিৎসক’ক গ্ৰেপ্তাৰ কৰে।
Continue Reading
