ডিজিটেল ডেস্কঃ মূৰ্গীৰ মাংস বুলি পাৰ মাংসৰ যোগান ধৰাৰ অভিযোগত এজন ব্যক্তিৰ বিৰুদ্ধে আৰক্ষীৰ কাষ চাপিছে ব্যক্তিগৰাকীৰ এজন চুবুৰীয়াই। ঘটনাটো সংঘটিত হৈছে মুম্বাইত। অভিযুক্ত ব্যক্তিগৰাকীৰ নাম- অভিষেক সাৱন্ত।
ইতিমধ্যে আৰক্ষীয়ে অভিযুক্তগৰাকীক আটক কৰিছে। অভিযুক্ত অভিষেকৰ উপৰিও ঘটনাটোৰ স’তে আৰু সাতজন লোককো আৰক্ষীয়ে আটক কৰিছে।
৭১ বছৰ বয়সীয়া হৰেশ গগলানি নামৰ এজন প্ৰাক্তন সেনাকৰ্মীৰ অভিযোগৰ ভিত্তিত আৰক্ষীয়ে ব্যৱস্থা গ্ৰহণ কৰিছে। হৰেশে অভিযুক্ত অভিষেকৰ আবাসগৃহৰ ওচৰতে থাকে।
হৰেশৰ অভিযোগ- চলিত বৰ্ষৰ মাৰ্চ মাহৰ পৰা অভিষেকে পাৰ পুঁহিছে। সেই পাৰবিলাককে স্থানীয় এখন দোকানত মূৰ্গীৰ মাংস বুলি বিক্ৰী কৰি আহিছে অভিষেকে। তেওঁলোকে বাস কৰা স্থানৰ ওচৰৰে এখন ৰেষ্টোৰাত মাংসখিনি মদৰ লগত পৰিৱেশন কৰা হয়।
কিন্তু অভিযোগৰকাৰী হৰেশৰ বিৰুদ্ধে মন্তব্য কৰিছে আন ওচৰ-চুবুৰীয়াসকলে। তেওঁলোকে হৰেশৰ অভিযোগ ভিত্তিহীন বুলি কৈছে। বৰঞ্চ হৰেশেহে চুবুৰীয়াসকলৰ বিৰুদ্ধে নানা ধৰণৰ অভিযোগ দাখিল কৰি মাজে মাজে বিৰক্ত কৰি অহা বুলি তেওঁলোকে কৈছে।
Continue Reading
