--°C
Loading...
Listen to Article
4 min read
80%

In Short

  • অসম চৰকাৰে খিলঞ্জীয়া সুৰক্ষাৰ স্বাৰ্থত ৰাজ্যৰ বিভিন্ন প্ৰান্তত চলোৱা উচ্ছেদ অভিযানৰ অংশ মেৰাপানীৰ নেঘেৰি বিলৰ ভূমিক লৈ সামাজিক মাধ্যমত এনেদৰে হুংকাৰ প্ৰদান কৰিছে নগাই।

ডিজিটেল ডেস্কঃ 'নগালেণ্ড আৰু অসম চৰকাৰৰ মাজত কি সিদ্ধান্ত হৈছে আমি নাজানো। উচ্ছেদৰ পাছত নেঘেৰিবিল আমাৰ, পূৰ্বপুৰুষৰ মাটি, যিকোনো প্ৰকাৰে ঘূৰাই ল'মেই। সামাজিক মাধ্যমত অসমৰ ভূমিক লৈ এই বিতর্কিত মন্তব্য নগাৰ। সীমান্ত অঞ্চলত উচ্ছেদ কৰাৰ সন্দৰ্ভত আমাৰ লিঅ'লুংচুং, মিকিৰা বস্তি আৰু লুঙায়ং এই তিনিখন গাঁৱৰ ক'ব লগা একো নাই। কিন্তু উচ্ছেদৰ পাছত আমাৰ ককা-আজোককাহঁতৰ মাটিত বহিবলৈ দিয়া নেঘেৰি বিল মাটি নগাৰ হয় আৰু এই ভূমি ঘূৰাই লোৱাৰ ক্ষেত্ৰত সহায় কৰিবলৈ আমাৰ নগালেণ্ড চৰকাৰক আহ্বান জনাইছোঁ বুলিও সামাজিক মাধ্যমত মন্তব্য নগাৰ।


উল্লেখযোগ্য যে অসম চৰকাৰে খিলঞ্জীয়া সুৰক্ষাৰ স্বাৰ্থত ৰাজ্যৰ বিভিন্ন প্ৰান্তত চলোৱা উচ্ছেদ অভিযানৰ অংশ মেৰাপানীৰ নেঘেৰি বিলৰ ভূমিক লৈ সামাজিক মাধ্যমত এনেদৰে হুংকাৰ প্ৰদান কৰিছে নগাই। ইফালে ৮ আগষ্টত মেৰাপানীৰ নেঘেৰি বিলত অবৈধ বেদখলকাৰীক উচ্ছেদ চলাবলৈ গোলাঘাট জিলা প্রশাসনে সকলো প্ৰকাৰৰ প্ৰস্তুতি সম্পূৰ্ণ কৰাৰ সময়তে সামাজিক মাধ্যমত নগাই দিয়া এনে হুংকাৰক লৈ মেৰাপানীত তীব্র চাঞ্চল্যৰ সৃষ্টি হৈছে।


লক্ষণীয় বিষয় যে সৰুপথাৰ উৰিয়ামঘাটত অবৈধ বেদখলকাৰীৰ উচ্ছেদৰ পাছত গেলাজান আৰু ২ নং ৰজাপুখুৰী নামৰ গাঁও দুখন নগাৰ মাটি বুলি দাবী কৰাৰ পাছত মেৰাপানীৰ ২নং নেঘেৰিবিলত নগাৰ শেনচকু পৰিছে। ইফালে মেৰাপানীৰ নেঘেৰি বিলেদি নগালেণ্ড-নেঘেৰিবিল সংযোগী পথটো আজি আমি জে চি বি লগাই সাজি আছোঁ বুলিও কোৱাৰ লগতে আৰু কয় যে কিবা কাৰণত অসমৰ লগত নগাৰ সংঘাত হ'লে আমি যাতায়াত কৰাত অসুবিধা হয়।


আমি নেঘেৰি বিলৰ বনভোজস্থলীত আগতেই কোনো লোকৰ প্ৰৱেশ নিষিদ্ধ কৰি এখন ছাইন ব'ৰ্ড লগাইছিলোঁ। কিন্তু বিতর্ক হোৱাত দুয়োখন ৰাজ্যৰ সীমান্ত দণ্ডাধীশে মীমাংসা কৰি উঠাই দিয়ে। এই বনভোজস্থলীত আমি আজিৰপৰা সকলো লোকৰ প্ৰৱেশ নিষিদ্ধ কৰিছোঁ। অন্যথা আমি বিহিত ব্যৱস্থা ল'ম। নগাৰ এনে ফে'চবুক প'ষ্ট আৰু বিতর্কিত কাৰ্যকলাপৰ পাছতেই তীব্র বিৰোধিতা কৰি জাঙুৰ খাই উঠিছে অসম জাতীয়তাবাদী যুৱ ছাত্ৰ পৰিষদৰ আৰু কৃষক মুক্তি সংগ্রাম সমিতিৰ লগতে সদৌ অসম অনুসূচিত জাতি ছাত্র সন্থা।


অসম জাতীয়তাবাদী যুৱ ছাত্ৰ পৰিষদৰ গোলাঘাট জিলা সমিতিৰ উপদেষ্টা নিকুঞ্জ মেধিয়ে মঙলবাৰে এক সংবাদমেল সম্বোধন কৰি কয় যে মেৰাপানী সীমান্তৰ নগালেণ্ডৰ তিনিখনকৈ নগা বস্তিৰ কাউঞ্চিলৰ নেঘেৰি বিল দখলৰ ঘোষণা কৰি মুকলি কৰা ভিডিঅ'ক লৈ তীব্ৰ অৰিহণা দিছে। নেঘেৰি বিলৰ গাতে লাগি থকা লিঅ' লুংচুং, মিকিৰাং আৰু লুঙায়ং নামৰ তিনিখনকৈ নগা গাঁৱৰ নগা ভিলেইজ চেয়াৰমেনে নেঘেৰি বিলৰ মাটি নাগালেণ্ডৰ বুলি দাবী কৰা বিষয় সহ্য কৰা নহ'ব আৰু অসমৰ মাটিত নগাৰ আগ্রাসন কোনো কাৰণতে সহ্য কৰা নহ'ব বুলি হুংকাৰ দিছে।


অন্যহাতে, নগাৰ এনে দম্ভালিৰ কাৰ্যত খিলঞ্জীয়া অসমীয়া ভূমি পুত্ৰৰ তিলমানো ক্ষতি হ'লে ইয়াৰ বাবে অসম চৰকাৰ আৰু গোলাঘাট জিলা প্রশাসন জগৰীয়া হ'ব বুলি মন্তব্য কৰে। নেঘেৰি বিলৰ বেদখলমুক্ত এলেকাত অসম আৰক্ষীৰ নিয়মীয়া টহল আৰু সীমান্তৰ নেঘেৰিবিলত অতি শীঘ্ৰেই অসম বেটেলিয়নৰ এটা স্থায়ী শিবিৰ নিৰ্মাণৰো দাবী তোলে সদৌ অসম অনুসূচিত জাতি ছাত্র সন্থা কেন্দ্ৰীয় সহকাৰী সাধাৰণ সম্পাদক ক্ষীৰোদ কুমাৰ দাসে।


আনহাতে, এই ক্ষেত্রত কৃষক মুক্তি সংগ্রাম সমিতিৰ সম্পাদক বিদ্যুৎ শইকীয়ায়ো তীব্র প্রতিক্রিয়া প্রকাশ কৰি কয় যে নেঘেৰিবিলকে ধৰি সৰুপথাৰৰ উৰিয়ামঘাট আদি অতিকে স্পৰ্শকাতৰ সীমান্ত অঞ্চল। গতিকে এই বৃহৎ ভূখণ্ড অসমৰ ভৌগোলিক মানচিত্ৰৰ ভিতৰত আছে আৰু অসমৰ মুখ্যমন্ত্ৰীগৰাকীয়ে এই ক্ষেত্ৰত নিশ্চয়তা প্রদান কৰিব লাগে যে অসমৰ ভূমি কোনো কাৰণতে নগাই আগ্রাসন কৰিব নোৱাৰে। সম্প্রতি এই ঘটনাক লৈ মেৰাপানী সীমান্ত অঞ্চলটোত তীব্র প্রতিক্ৰিয়াৰ সৃষ্টি হৈছে।


উৎসঃ দৈনিক জনমভূমি




FOLLOW US F
POPULAR
FEATURE
TRENDY
মাজুলীৰ পৰ্যটন ক্ষেত্ৰখনক নতুন মাত্ৰা প্ৰদানৰ লক্ষ্য; আহি আছে দুমহলীয়া পর্যটক বাছ ‘পুষ্পক’
মধ্যপ্ৰদেশত চাঞ্চল্য! হোটেলত থকা প্ৰাপ্তবয়স্ক যুৱক-যুৱতীক ভুৱা গাঞ্জাৰ গোচৰত ফচোৱাৰ ভাবুকি; ৬ আৰক্ষী বিষয়া নিলম্বিত
দেশজুৰি খলকনি! Shazam India-ৰ শীৰ্ষস্থানত ৰিতো ৰিবাৰ ‘দিলৰুবা দিলনশী’
ভাস্বতী ভাৰতীৰ গীত ‘লাহে লাহে’ৰ ভিডিঅ’ মুকলি
নিটি আয়োগৰ ৰাষ্ট্ৰীয় কৰ্মশালাত ‘অভিযান হিচাপে নেতৃত্ব’ শীৰ্ষক কৰ্মযোগী সংকল্পৰ শুভাৰম্ভ কেবিনেট সচিবৰ
দুদিনীয়া কাৰ্যসূচীৰে ২০ নৱেম্বৰত অৰুণাচললৈ আহিব অমিত শ্বাহ
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী