ডিজিটেল ডেস্কঃ লুংৱা (লংৱা) নাগালেণ্ডৰ মন জিলাৰ অন্যতম বৃহৎ গাওঁ। এই গাওঁ খন ভাৰত-ম্যানমাৰ আন্তঃৰাষ্ট্ৰীয় সীমান্তত অৱস্থিত । নাগালেণ্ডৰ মন্ত্ৰী টেমজেন ইমনা অলং-এ শেহতীয়াকৈ অনন্য গাওঁ খনৰ এটা ভিডিঅ' শ্বেয়াৰ কৰিছে।
গাওঁখনত ম্যানমাৰৰ চাগাইং ডিভিজনৰ লোজি গাওঁৰ সৈতে সংযোগ কৰা এটা পথ আছে। যিটো পথেৰে গাওঁ খনৰ বাসিন্দাসকলে ম্যানমাৰৰ লাহে ,য়েংজঙৰ ,তাতমাদাও চহৰ আদিলৈ সমূহলৈ যাব পাৰে। গাঁও খনৰ এটাঅংশ ভাৰতীয় ভূখণ্ডৰ ভিতৰত পৰে, আনহাতে বাকী অৰ্ধাংশ ম্যানমাৰৰ নিয়ন্ত্ৰণত আছে। গাওঁখনৰ বহু লোকৰ শোৱনি কোঠা ভাৰতত আছে যদিও তেওঁলোকৰ পাকঘৰ আৰু অন্যান্য ঘৰবোৰ ম্যানমাৰত পৰিছে।
Watch it here:
লংৱাত কন্যাক নগা জনজাতিৰ লোকসকলে বাস কৰে। ভাৰত আৰু ম্যানমাৰৰ মাজত থকা শক্তিশালী সাংস্কৃতিক সম্পৰ্কৰ বাবেই গাওঁখনৰ বহু বাসিন্দাক ভাৰত চৰকাৰে দ্বৈত নাগৰিকত্ব প্ৰদান কৰিছে। বুধবাৰে টেমজেন ইমনা আলঙে গাওঁখনৰ বিষয়ে এটা পোষ্টত লিখিছে: "আন্তঃৰাষ্ট্ৰীয় সীমা অতিক্ৰম কৰিবলৈ এই গাঁৱৰ এজন ব্যক্তিজনে কেৱল তেওঁৰ শোৱনি কোঠালৈ যাব লাগিব।" এই গাঁৱত বাস কৰা লোকসকলে দুখন দেশক কৰ পৰিশোধ কৰিব লাগে। একেটা ঘৰত বাস কৰা এজন লোকে নিশা এখন দেশত শোৱে আৰু আন এখন ৰাজ্যত ৰাতিৰ আহাৰ গ্ৰহণ কৰে।
Continue Reading
