ডিজিটেল ডেস্কঃ হিন্দুত্ববাদীসকলৰ ঘৃণা আৰু হিংসাত্মক ভাষণৰ ঘটনাৰ তদন্তত দিল্লী আৰক্ষীয়ে প্ৰায় নিষ্ক্ৰিয় ভূমিকা পালন কৰিছে। বুধবাৰে উচ্চতম ন্যায়ালয়ে এইদৰে অসন্তুষ্টি প্ৰকাশ কৰিছে। মুখ্য ন্যায়াধীশ ডি ৱাই চন্দ্ৰচূড় আৰু ন্যায়াধীশ পি এছ নৰসিংহৰ বিচাৰপীঠে শুকুৰবাৰে বিষয়টোত অসন্তুষ্টি প্ৰকাশ কৰি কয়- "তদন্তসমূহত কোনো স্পষ্ট অগ্ৰগতি হোৱা নাই।''
কেইমাহমান আগতে শীৰ্ষ ন্যায়ালয়ে দিল্লী আৰু উত্তৰাখণ্ডৰ আৰক্ষীৰ পৰা ২০২১ চনত দিল্লী আৰু হৰিদ্বাৰত অনুষ্ঠিত ধৰ্ম সংসদৰ সন্দৰ্ভত লিখিত উত্তৰ বিচাৰিছিল। ঘটনাটোত সমাজকৰ্মী তুষাৰ গান্ধীয়ে অভিযোগ কৰিছিল যে দিল্লী আৰু উত্তৰাখণ্ড আৰক্ষীয়ে তদন্তত অৱহেলা কৰিছে।
কেন্দ্ৰীয় গৃহ মন্ত্ৰী অমিত শ্বাহৰ মন্ত্ৰালয়ৰ অধীনত থকা দিল্লী আৰক্ষীৰ উত্তৰে শীৰ্ষ ন্যায়ালয়ক সন্তুষ্ট কৰিব নোৱাৰিলে। মুখ্য ন্যায়াধীশৰ বিচাৰপীঠে অতিৰিক্ত ছলিচিটৰ জেনেৰেল কে এম নটৰাজক নিৰ্দেশ দিছিল যে ঘৃণামূলক ভাষণ গোচৰত দিল্লী আৰক্ষীৰ তদন্তকাৰী বিষয়াই দুসপ্তাহৰ ভিতৰত এখন শপতনামা দাখিল কৰিব লাগিব। অনুসন্ধানৰ অগ্ৰগতি বিতংভাৱে বৰ্ণনা কৰিব লাগে।
Continue Reading
