ডিজিটেল ডেস্ক: দেশত উদ্বেগজনক হাৰত বৃদ্ধি পাইছে এইচ আই ভিত আক্ৰান্ত লোকৰ সংখ্যা৷ দেশজুৰি নতুন নীৰৱ আতংকৰ সৃষ্টি কৰিছে এই মাৰাত্মক ৰোগবিধে৷ এখন জিলা কাৰাগাৰত এইডছ আক্ৰান্ত লোকৰ কয়দীৰ সংখ্যাই উদ্বিগ্ন কৰি তুলিছে কাৰাগাৰ কৰ্তৃপক্ষই৷
কাৰাগাৰখনত ৩৬জনকৈ কয়দী এইডছত আক্ৰান্ত হোৱা ঘটনাই চিন্তিত কৰি তুলিছে স্বাস্থ্য বিভাগ আৰু ৰাজ্য চৰকাৰখনক৷ এইচ আই ভি পজিটিভ পোৱা সকলো কয়দীকে আৰম্ভ কৰা হৈছে চিকিৎসা আৰু ৰখা হৈছে চিকিৎসকৰ নিৰন্তৰ তত্বাৱধানত৷
এইডছ নিয়ন্ত্ৰণ সমিতিৰ নিৰ্দেশনা অনুসৰি, স্বাস্থ্য বিভাগে ২০২৩ৰ ডিচেম্বৰত কাৰাগাৰখনত বন্দী কয়দীসকলৰ এইচ.আই.ভি. স্ক্ৰীণিং কৰিছিল। এই স্ক্ৰীণিংৰ সময়ত প্ৰায় তিনি হাজাৰ বন্দীৰ পৰীক্ষা কৰা হৈছিল৷
এতিয়া সেই পৰীক্ষাৰ প্ৰতিবেদনে স্বাস্থ্য বিভাগ আৰু কাৰাগাৰ প্ৰশাসনত হাহাকাৰ লগাইছে। তথ্য অনুসৰি, অনুসন্ধানত ৩৬জন বন্দীক এইচ.আই.ভি. পজিটিভ পোৱা গৈছে। ৩৬জন নতুন এইচ আই ভি সংক্ৰমিত ৰোগী পোৱাৰ পাছত কাৰাগাৰ প্ৰশাসনে বন্দীসকলক পৰামৰ্শ দিয়া আৰম্ভ কৰিছে।
চাঞ্চল্যকৰ ঘটনাটো উত্তৰ প্ৰদেশৰ৷ উত্তৰ প্ৰদেশৰ লক্ষ্ণৌৰ এখন জিলা আদালতত এনেদৰে কয়দী সংক্ৰমিত হৈছে এইডছত৷
Continue Reading
