নৰেন্দ্ৰ মোদীয়ে ব্যৱহাৰ কৰা ফ’নটোৰ বিষয়ে আপুনি কিমান জানে?

ডিজিটেল ডেস্কঃ নৰেন্দ্ৰ মোদী ৷ হততে এজন চৌখিন লোক বুলি সৰ্বত্ৰে প্ৰচলিত৷ মানুহজনৰ পোছাক-পৰিচ্ছদত ইমানেই নিপুণতা প্ৰকাশ পাই যে, দেখিলেই বুজিব পাৰি যে সাজ পোছাকৰ ক্ষেত্ৰত তেওঁ খুবেই সচেতন৷ তেওঁ ব্যৱহাৰ কৰা সকলো বস্তুৱেই যেন ব্ৰেণ্ডেড, সেয়া আপুনি তেওঁৰ সাজ-পোছাক, ঘড়ী, জোতা বা তেওঁঁ ব্যৱহাৰ কৰা গাড়ীৰ কথাই নকৱ’ক কিয় ৷

শেহতীয়াকৈ নৰেন্দ্ৰ মোদীয়ে ব্যৱহাৰ কৰা মোবাইল ফ’নটো চৰ্চাৰ কেন্দ্ৰবিন্দু হৈ পৰিছে৷ যদি আপোনাক সোধা যায়, প্ৰধান মন্ত্ৰী নৰেন্দ্ৰ মোদীয়ে কি মোবাইল ব্যৱহাৰ কৰে? আপোনাৰ-মোৰ দৰে মানুহৰ সততে মনলৈ আহিব তেওঁ ব্যৱহাৰ কৰা ফ’নটো নিশ্চিতভাৱে আই’ ফন হ’ব৷ কাৰণ প্ৰধান মন্ত্ৰী মোদীয়ে ইমান এজন বিলাসী মানুহ গতিকে তেওঁ আৰু বেলেগ কিবা এন্ড’ৰইড ফ’ন ব্যৱহাৰ কৰাৰ কথা আমাৰ মনলৈ নাহে৷

কিন্তু তেনেকৈ যদি ভাবিছে, সেইয়া আপোনাৰ ভূল হ’ব৷ প্ৰধানমন্ত্ৰীয়ে কোনাধৰণৰ আই’ফন ব্যৱহাৰ নকৰে৷ প্ৰকৃততে প্ৰধানমন্ত্ৰীয়ে নিৰাপত্তাজনিত কাৰণত কোনোধৰণৰ স্মাৰ্ট ফ’ন ব্যৱহাৰ কৰিব নোৱাৰে৷ প্ৰধানমন্ত্ৰীয়ে বিশেষ ছফটৱেৰ ইনষ্টল হৈ থকা এটা বিশেষ মবাইল ব্যৱহাৰ কৰে৷ তেওঁ কথোপ-কথনৰ বাবে এটা ছেটেলাইট সংযুক্ত ফ’ন ব্যৱহাৰ কৰে আৰু ফ’নটোৰ পৰিসৰ খুবেই সীমিত৷ দেশৰ যিসকল লোকে কটকটীয়া নিৰাপত্তা বেষ্টনীৰ মাজত থাকিব লগা হ’য়, তেওঁলোকৰ বাবে এই বিশেষ ফ’ন নিৰ্মাণ কৰা হ’য়৷ এই বিশেষ ফ’নটো হেক বা ট্ৰেক কৰা সম্ভৱ নহয়। ফোনটোৱে সেনাৰ বাৰ্তা বিনিময়ৰ কামতো ব্যৱহাৰ কৰা হ’য়৷ মোদীয়ে তেওঁৰ মুখ্য সচিবৰ ফোনটো আন সকলোৰে লগত কথোপকথনৰ বাবে ব্যৱহাৰ কৰে৷