ডিজিটেল ডেস্কঃ "নেতাজী ভাৰতৰ প্ৰথম প্ৰধানমন্ত্ৰী" মন্তব্যৰ বাবে নেতাজী সুভাষ চন্দ্ৰ বসুৰ পৰিয়ালে অভিনেত্ৰী তথা বিজেপি প্ৰাৰ্থী কংগনা ৰানাৱটক তীব্ৰ সমালোচনা কৰিছে। এক্সত এটা পোষ্টত এটা বাতৰি শ্বেয়াৰ কৰি সুভাষ চন্দ্ৰ বসুৰ নাতি ভতিজা চন্দ্ৰ কুমাৰ বসুৱে কয় যে, “কোনোৱেই “নিজৰ ৰাজনৈতিক উচ্চাকাংক্ষাৰ বাবে ইতিহাস বিকৃত কৰা উচিত নহয়”।
"নেতাজী সুভাষ চন্দ্ৰ বসু আছিল এজন ৰাজনৈতিক চিন্তাবিদ, সৈনিক, ৰাষ্ট্ৰনেতা, দূৰদৰ্শী আৰু অবিভক্ত ভাৰতৰ ১ম প্ৰধানমন্ত্ৰী। ভাৰতৰ স্বাধীনতাৰ বাবে যুঁজিবলৈ ভাৰতীয় হিচাপে সকলো সম্প্ৰদায়ক একত্ৰিত কৰিব পৰা একমাত্ৰ নেতা। নেতাজনৰ প্ৰতি প্ৰকৃত সন্মান হ'ব তেওঁৰ সৰ্বাংগীনতাক অনুসৰণ কৰা।"- চন্দ্ৰ কুমাৰ বসুৱে আন এটা পোষ্টত এইদৰে কয়।
উল্লেখযোগ্য যে চন্দ্ৰ কুমাৰ বসুৱে যোৱা বছৰৰ ছেপ্টেম্বৰ মাহত বিজেপিৰ পৰা পদত্যাগ কৰিছিল, তেওঁৰ নীতি দলৰ সৈতে মিল নাই বুলি কৈ। ইণ্ডিয়া বনাম ভাৰতৰ বিবাদৰ মাজতে তেওঁৰ পদত্যাগ কৰে৷
হিমাচল প্ৰদেশৰ মাণ্ডীৰ পৰা বিজেপিৰ লোকসভাৰ প্ৰাৰ্থী কংগনা ৰানাৱটে নেতাজী সন্দৰ্ভত কৰা মন্তব্যক লৈ ছ’চিয়েল মিডিয়াত ট্ৰ’লৰ ওপৰত প্ৰত্যুত্তৰ দিয়াৰ পিছতে তেওঁৰ এই মন্তব্য। এক্সৰ এটা বাতৰিৰ স্ক্ৰীণশ্বট শ্বেয়াৰ কৰি কংগনা ৰানাৱটে তেওঁক ট্ৰল কৰাসকলক ইতিহাসৰ টুকুৰাটো পঢ়িবলৈ কয়। লেখাটোত কোৱা হৈছে যে নেতাজীয়ে ১৯৪৩ চনত ছিংগাপুৰত আজাদ হিন্দৰ চৰকাৰ গঠন কৰি নিজকে প্ৰথম প্ৰধানমন্ত্ৰী হিচাপে ঘোষণা কৰিছিল।
Continue Reading
