ডিজিটেল ডেস্কঃ ভাৰতৰ যুৱ গায়কৰ কথা ক’লে শ্ৰেয়া ঘোষাল, নেহা কক্কৰ, সুনিধি চৌহান, অৰিজিত সিং আৰু আতিফ আছলামৰ নাম তালিকাত স্থান পায়। কণ্ঠৰ আধাৰত এই গায়ক সকলে অনুৰাগীৰ মন জয়ী কৰাৰ লগতে বহু টকা উপাৰ্জন কৰিবলৈ সক্ষম হৈছে। ভাৰতৰ আটাইতকৈ ধনী পুৰুষ কন্ঠশিল্পী এআৰ ৰহমান যাৰ সম্পত্তিৰ পৰিমাণ ১৭২৮ কোটি টকা বুলি কোৱা হয়। কিন্তু দেশৰ আটাইতকৈ ধনী মহিলা গায়িকা কোন জানেনে?
ধনী গায়কৰ কথা শুনি হয়তো আপোনাৰ মনলৈ আহিছিল শ্ৰেয়া ঘোষাল, সুনিধি চৌহান বা নেহা কক্কাৰৰ নাম। কিন্তু তেওঁলোকৰ এগৰাকীও ধন-সম্পত্তিৰ তালিকাত শীৰ্ষত নাই। ভাৰতৰ ভিতৰতে সৰ্বাধিক ধন-সম্পত্তি থকা মহিলা গায়িকাগৰাকীৰ বয়স ৩৪ বছৰ আৰু তেওঁৰ বহু হিট গীত আছে। তেওঁ আন কোনো নহয়, ভাৰতীয় প্লেবেক গায়ক, ৰেডিঅ’ জকী আৰু সংগীতজ্ঞ তুলসী কুমাৰ। তুলসী টি ছিৰিজৰ মালিক গুলচন কুমাৰৰ পুত্ৰী আৰু তেওঁ অপৰিসীম ধনৰ মালিক। টি ছিৰিজৰ ইউটিউব চেনেল কিডছ হাটৰ স্বত্বাধিকাৰী তুলসী কুমাৰ। তেওঁৰ প্ৰতিটো গীতৰ বাবে ৭ৰ পৰা ১০ লাখ টকা লয়। এক তথ্য অনুসৰি তুলসী কুমাৰৰ সম্পত্তিৰ পৰিমাণ ২১০ কোটি টকা।
কোটি কোটি সম্পত্তিৰ অধিকাৰী তুলসী কুমাৰ ভাৰতৰ আটাইতকৈ ধনী গায়িকা হিচাপে পৰিগণিত হৈছে। বহু প্ৰবীণ গায়কক পৰাস্ত কৰিছে তুলসীয়ে। তুলসীৰ পিছত শ্ৰেয়া ঘোষাল ভাৰতৰ দ্বিতীয় ধনী মহিলা গায়িকা। বহু সংবাদ মাধ্যমৰ বাতৰি অনুসৰি শ্ৰেয়াৰ সম্পত্তিৰ পৰিমাণ ১৮০-১৮৫ কোটি টকা। ১০০-১১০ কোটি টকাৰ সম্পত্তিৰে তিনি নম্বৰ স্থানত আছে সুনিধি চৌহান। চাৰি নম্বৰত আছে আশা ভোছলে, যি ৮০-১০০ কোটি টকাৰ সম্পত্তিৰ গৰাকী।
Continue Reading
