নিশা ১১ বজাত বিয়াৰ সিদ্ধান্ত, ১২ বজাত পণ্ডিতৰ সন্ধান! ফিল্মৰ দৰে অৰ্চনা-পাৰমিতৰ প্ৰেম কাহিনী

অভিনয়ৰ জগতখনত দুয়োৰে অনুৰাগীৰ সংখ্যা অনেক। অৰ্চনা অনন্য হাঁহিৰ শৈলীৰ বাবে পৰিচিত যদিও ব্যক্তিগত জীৱনত অতি কঠিন পৰিস্থিতিৰ মাজেৰে তেওঁ পাৰ হৈ আহিছে। আচলতে অৰ্চনাৰ প্ৰথম বিবাহ সফল নহ’ল, তাৰপাছত তেওঁ ইমানেই ভাঙি পৰিল যে প্ৰেম আৰু বিবাহৰ দৰে কথাবোৰত অৰ্চনাৰ বিশ্বাস একেবাৰে হেৰাই গ’ল।

অৰ্চনা আৰু পাৰমিতৰ প্ৰথম লগ হৈছিল এটা অনুষ্ঠানত। অৰ্চনা সিঙে দ্য কপিল শৰ্মা শ্ব’ত কয়, ‘মই পাৰমিতক এটা পাৰ্টিত লগ পাইছিলো। সেই সময়ত মোৰ হাতত এখন আলোচনী আছিল, সেই আলোচনীখন পাৰমিতে কাঢ়ি লৈ ​​গৈছিল। এই কথাটোৱে মোক বেয়াকৈ ক্ষুব্ধ কৰি তুলিছিল যদিও পাৰমিতৰ ক্ষমা বিচৰাৰ ধৰণটো ইমানেই বেলেগ আছিল যে মোৰ খংটো লগে লগে শান্ত হৈ গ’ল। এই পাৰ্টিতে তেওঁলোকৰ মাজত বন্ধুত্ব গঢ় লৈ উঠে।

পাৰমিতে দ্য কপিল শৰ্মা শ্ব’ত কৈছিল, ‘প্ৰথম অৱস্থাত আমি লিভ-ইনত বাস কৰিছিলো। আমি যেতিয়া আমাৰ আত্মীয়ক এই বিষয়ে অৱগত কৰিলোঁ, তেতিয়া মোৰ পৰিয়ালৰ মানুহৰ বৰ খং উঠিল। গতিকে আমি ৰাতি ১১ বজাত বিয়া হোৱাৰ সিদ্ধান্ত লৈ পণ্ডিতজীক বিচাৰিবলৈ ৰাওনা হ’লোঁ৷ ৰাতি ১২ বজাৰ পাছত আমি পণ্ডিতজীক লগ পাইছিলো। তেওঁ আমাক সুধিলে যে আমি পলাই গৈ বিয়া পাতিছো নেকি আৰু ছোৱালীজনী প্ৰাপ্তবয়স্ক হৈছে নে? মই উত্তৰ দিলোঁ যে ছোৱালীজনী মোতকৈ বেছি প্ৰাপ্তবয়স্ক! তেওঁ মোতকৈ ৪ বছৰৰ ডাঙৰ ছোৱালী। তেতিয়া পণ্ডিতজীয়ে কৈছিল যে বিয়া এনেকৈ নহয়। বিয়াৰ কিছুমান মুহূৰ্ত থাকে। সেই মুহূৰ্ত আহিলে বিয়া হ’ব। পাছদিনা আমি পুৱা ১১ বজাত বিবাহপাশত আৱদ্ধ হৈছিলো আৰু এতিয়াও আমাৰ সংসাৰ সুন্দৰকৈ চলি আছে।