ডিজিটেল ডেস্ক: এতিয়া শীতকাল। এই শীতত আমাৰ প্ৰায় সকলোৰে ছাল শুকান আৰু খহটা হৈ পৰে। এনে সময়ত যেতিয়াই মহিলাসকলে বিউটি পাৰ্লাৰলৈ যায়, তেতিয়া প্ৰায় সংখ্যক মহিলাই অমিতাৰ ফেচিয়েল বাছি লয়। যিবোৰ কৃত্ৰিম ক্ৰীম আৰু ৰাসায়নিক পদাৰ্থৰ পৰা প্ৰস্তুত কৰা হয়, যিয়ে আপোনাৰ মুখৰ ক্ষতি কৰিব পাৰে। সেয়ে ঘৰতে অমিতাৰ ফেচ পেক প্ৰস্তুত কৰি ব্যৱহাৰ কৰিলে আপোনাৰ বাবে উপকাৰী হ'ব পাৰে। অমিতাত বহুতো ভিটামিন আৰু খনিজ পদাৰ্থ পোৱা যায়, যিবোৰ ছালৰ বাবে উপকাৰী। অমিতাত প্ৰচুৰ পৰিমাণে এন্টিঅক্সিডেন্ট থাকে, যিয়ে স্বাস্থ্যৰ বাবে বহুতো উপকাৰ দিব পাৰে। বহু গৱেষণাত প্ৰমাণিত হৈছে যে কেঁচা অমিতাই ছালৰ ঘাঁবোৰ সোনকালে ভাল কৰে। ঘৰতে অমিতাৰ ফেচ পেক কেনেকৈ প্ৰস্তুত কৰিব পাৰি জানো আহক।
আধা কাপ পকা অমিতা লৈ ভালদৰে গুড়ি কৰি লওক। তাৰ পাছত তাত দুচামুচ গাখীৰ আৰু এচামুচ মৌ দিব। এই মিশ্ৰণটো ভালদৰে মিহলাই লওক। আপোনাৰ ফেচ মাস্ক সাজু হৈছে। এই মিশ্ৰণ মুখ আৰু ডিঙিত লগাব। ১৫ মিনিটৰ পাছত কুহুমীয়া পানীৰে মুখখন ধুব। দেখিব যে মুখখন জিলিকি উঠিব। উল্লেখযোগ্য যে অমিতায়ে ছালত হাইড্ৰেট কৰি দাগ আৰু মৰা ছাল আঁতৰাই পেলায়। পেঁপাৰ ফেচ মাস্কে শীতকালতো আপোনাৰ ছাল শুকান নকৰে।
????টেনিং
ছালৰ টেনিং আঁতৰাবলৈ অমিতাৰ পেষ্ট বনাওক। তাৰ পাছত তাত অলিভ অইল আৰু নেমু কেইটোপালমান দিব। ইয়াৰ লগতে ইয়াত এচিকুট হালধিও দিব। তাৰ পাছত এই মিশ্ৰণটো ভালদৰে মিহলাই লওক। এই ফেচ পেকে আপোনাৰ টেনিং আঁতৰাই পেলাব।
????কল-অমিতাৰ মাস্ক
যদি আপোনাৰ ঘৰত কল আছে, তেন্তে অমিতাৰ লগত মিহলাই লওক। দুয়োটাকে ভালদৰে গুড়ি কৰিব। তাৰ পাছত এই মিশ্ৰণটো মুখত লগাব। ১৫ মিনিটৰ পাছত কুহুমীয়া পানীৰে মুখখন ধুব।
Continue Reading
