ডিজিটেল ডেস্কঃ ছত্তীশগড় বিধানসভাৰ নিৰ্বাচনৰ বাবে সম্পূৰ্ণ প্ৰস্তুতি চলাইছে বিজেপিয়ে। ৰাজ্য খনত ভোটগ্ৰহণ দুটা পৰ্যায়ত ক্ৰমে ৭ নৱেম্বৰ আৰু ১৭ নৱেম্বৰত অনুষ্ঠিত হ’ব। একেদৰে মিজোৰামত ৭ নৱেম্বৰত এটা পৰ্যায়ত ভোটগ্ৰহণ সম্পন্ন কৰা হ’ব। মধ্য প্ৰদেশত ১৭ নৱেম্বৰত ভোটগ্ৰহণ অনুষ্ঠিত কৰাৰ লগতে ২৩ নৱেম্বৰত ৰাজস্থানত বিধানসভা নিৰ্বাচনৰ ভোটগ্ৰহণ অনুষ্ঠিত হ’ব।
তেলেংগানাত ৩০ নৱেম্বৰত ভোটগ্ৰহণ হ’ব। আটাইকেইখন ৰাজ্যৰে ভোটগণনা ৩ ডিচেম্বৰত অনুষ্ঠিত হ’ব । এনেসময়তে প্ৰধানমন্ত্ৰী নৰেন্দ্ৰ মোদীয়ে ছত্তীশগড়ত জৈন সন্তৰ আশীৰ্বাদ বিচৰা হৈছে।
মোদীয়ে দেওবাৰে পুৱা ৰাজনন্দগাঁও জিলাৰ জৈনসকলৰ এক জনপ্ৰিয় তীৰ্থস্থান ডনাঘাদা ভ্ৰমণ কৰে। তেওঁ জৈন গুৰু আচাৰ্য বিদ্যাসাগৰ মহাৰাজক লগ পায়। মোদীয়ে তেওঁৰ ভৰিত মূৰ দোৱাই আশীৰ্বাদ গ্ৰহণ কৰে। তেওঁ ইয়াৰ ছবি তেওঁৰ এক্স হেণ্ডেলত পোষ্ট কৰিছে।
Continue Reading
