ডিজিটেল ডেস্কঃ আপোনাৰ নখত বাৰু কেতিয়াবা বগা ফোঁট পৰে নেকি? নখত পৰা এই বগা দাগৰ লগত স্বাস্থ্যৰ কিবা সম্পৰ্ক আছে নেকি? শৰীৰত যেতিয়া কোনো যৌগৰ অভাৱ হয় তেতিয়া এনে বগা দাগ বা ফোঁটবোৰ দেখা যায় নখত৷ কোনোৱে কয় নখত কেলচিয়ামৰ অভাৱ হ’লে বগা দাগ ওলায়৷ খাদ্য পৰামর্শদাতাসকলৰ মতে নখৰ বগা দাগ শৰীৰত জিংকৰ অভাৱৰ বাবেই হয়৷
শৰীৰত আইৰণৰ পিছতে জিংক দ্বিতীয় গুৰুত্বপূৰ্ণ যৌগ। শৰীৰত ৰোগ প্ৰতিৰোধ ক্ষমতা গঢ়ি তোলাত বিশেষ ভূমিকা আছে জিংকৰ৷ কিছুমান বিশেষ খাদ্য খালে জিংকৰ অভাৱ দূৰ কৰিব পাৰি৷ তাৰ ভিতৰত সাগৰীয় খাদ্য, কণী, মাংস, ব্ৰকলি, মাশ্বৰূম, কচু, নহৰু,ডাৰ্ক চকলেট আদি খালে শৰীৰৰ পৰা জিংকৰ অভাৱ দূৰ হয়৷
চকুৰ দৰে নখেও স্বাস্থ্যৰ অৱস্থা কয়। শৰীৰত যদি কোনো ধৰণৰ ৰোগ বা সংক্ৰমণ হয় তেন্তে তাৰ প্ৰভাৱ নখত দেখা দিবলৈ আৰম্ভ কৰে। নখত বগা দাগ ওলোৱাৰ বহু কাৰণ থাকিব পাৰে। হেল্থলাইনৰ মতে, নখত বগা দাগ পৰাৰ আটাইতকৈ সাধাৰণ কাৰণ হ’ল লিউক’নিচিয়া। ইয়াৰ ফলত নখৰ ক্ষতি হয় আৰু ইয়াৰ ৰংও সলনি হ’ব পাৰে। নখৰ আঘাতৰ ফলত লিউক’নাইচিয়া হ’ব পাৰে।
সঘনাই নখত বগা দাগ পৰিলে ডাক্তৰৰ ওচৰলৈ যোৱা উচিত। যদি কেতিয়াবাহে হয় তেন্তে ইমান চিন্তাৰ বিষয় নহয়।
Continue Reading
