ডিজিটেল ডেস্কঃ সদায়েই হেয়াৰ ষ্টাইলিঙৰ প্ৰতি আকৰ্ষিত ৰবীন্দ্ৰ জাডেজা। বিভিন্ন সময়ত তেওঁ ছ’চিয়েল মিডিয়াত ভিন্ন চুলিৰ ষ্টাইলৰ সৈতে ছবি পোষ্ট কৰে। কিন্তু আগতে কেতিয়া তেওঁক খোপা বন্ধা চুলিৰে বলিং কৰা দেখা গৈছিল সেয়া কোনেও মনত পেলাব পৰা নাই। সাধাৰণতে দীঘল চুলি ৰখাটোৱে তেওঁৰ স্বভাৱ।
আজিৰে পৰা আৰম্ভ হোৱা ভাৰত বনাম অষ্ট্ৰেলিয়াৰ টেষ্টৰ প্ৰথমদিনা নতুন হেয়াৰ ষ্টাইলত দেখা পোৱা গ’ল অলৰাউণ্ডাৰগৰাকীক। এনেকুৱা হেয়াৰ ষ্টাইলত কেতিয়াও দেখা পোৱা হোৱা নাছিল তেওঁক। সেয়ে কৌতুহল দমন কৰিবলৈ দীনেশ কাৰ্তিকে মেচৰ অন্তত জাদেজাক উদ্দেশ্যি এটা প্ৰশ্ন নিক্ষেপ কৰে। কাৰ্তিকে সুধে যে তেওঁৰ ইমান দীঘল চুলি ৰাখিছে আৰু খোপা বান্ধিছে?
হাঁহি হাঁহি ভাৰতীয় অল-ৰাউণ্ডাৰগৰাকীয়ে উত্তৰ দিলে, ''আচলতে মই ক্ৰিকেটলৈ ঘূৰি আহিবলৈ ইমানেই আগ্ৰহী হৈ আছিলো যে চুলি কাটিবলৈ সময়েই নাপালোঁ। গোটেই সময়খিনি নাৰ্চিং আৰু ফিটনেছৰ ওপৰত গুৰুত্ব দি কটাব লগা হৈছিল।’’
উল্লেখ্য যে কেইবামাহৰ পাছত খেলপথাৰত অৱতীৰ্ণ হৈছে অলৰাউণ্ডাৰগৰাকী। আঘাতৰ বাবে তেওঁ বিশ্ৰাম লৈ আছিল। প্ৰত্যাৱৰ্তন কৰিয়েই প্ৰথমদিনা অষ্ট্ৰেলিয়াৰ বিৰুদ্ধে দূৰ্দান্ত বলিং কৰে জাডেজাই। দখল কৰে পাঁচটা উইকেট। নিজৰ প্ৰদৰ্শনক লৈও জাডেজাই মন্তব্য দিয়ে। কয়- “মই বৰ সুখী হৈছো। গোটেই সময়খিনি উপভোগ কৰিলোঁ। পাঁচ মাহৰ পাছত মই টেষ্ট খেলিছো।৷ মই নিজকে মানসিকভাৱে প্ৰস্তুত কৰিছিলো।’’
Continue Reading
