ডিজিটেল ডেস্ক: ২৭সংখ্যক দিনত ভৰি দিলে কৃষক আন্দোলনে৷ কৃষকৰ প্ৰতিবাদৰ ২৭ সংখ্যক দিনত আজি সমগ্ৰ দেশজুৰি ‘ৰে’ল ৰোক’ কাৰ্যসূচী পালন কৰে প্ৰতিবাদী কৃষকসকলে৷
হাৰিয়ানা, পঞ্জাব, ৰাজস্থানত ৰে’ল অৱৰোধ কৰে প্ৰতিবাদী কৃষকে৷ পঞ্জাবৰ ২২খন জিলাৰ ৫২টাকৈ স্থানত ৰে’ল অৱৰোধ কাৰ্যসূচী গ্ৰহণ কৰে প্ৰতিবাদকাৰী কৃষকসকলে৷ ৰে’ল লাইনত বহি শ শ কৃষকে সাব্যস্ত কৰে প্ৰতিবাদ৷ হাৰিয়ানাতো তিনিটাকৈ স্থানত ৰে’ল অৱৰোধ কৰে প্ৰতিবাদী কৃষকে৷
আনহাতে ৰাজস্থানৰ বিভিন্ন স্থানত ৰে’ল অৱৰোধ কৰিলে আন্দোলকাৰীসকলে৷ একদৰে পঞ্জাব, হাৰিয়ানাৰ শম্ভু সীমান্ততো হাজাৰ হাজাৰ কৃষকে ৰে’লপথত বহি সাব্যস্ত কৰিলে প্ৰতিবাদ৷ দেওবাৰে দুপৰীয়া ১২ বজাৰ পৰা ৪ বজালৈ প্ৰায় ৪ ঘণ্টাজোৰা ৰে’ল ৰোক’ কাৰ্যসূচী পালন কৰিলে প্ৰতিবাদকাৰীসকলে৷
উত্তৰ ভাৰতৰ ৩০খন জিলাত ৰে’ল অৱৰোধ কৰাৰ আহ্বান জনাইছিল কৃষক নেতৃত্বই৷ ইপিনে হাৰিয়ানাৰ চিৰ্চাত ৪৫ গৰাকী প্ৰতিবাদকাৰীক আটক আৰক্ষীৰ৷ আনহাতে ৰে’ল বিভাগৰ সূত্ৰই প্ৰকাশ কৰা মতে কৃষকৰ ৰে’ল অৱৰোধত বাধাগ্ৰস্ত ১০০ ৰে’লৰ যাত্ৰা৷ কৃষকৰ প্ৰতিবাদৰ পৰিপ্ৰেক্ষিতত বিভিন্ন স্থানত আবদ্ধ বহুসংখ্যক ৰে’লযাত্ৰী৷
যাৰফলত প্ৰতিবাদী কৃষকৰে বাকযুদ্ধত লিপ্ত হোৱা দেখা গ’ল একাংশ ক্ষুব্ধ যাত্ৰীক৷ প্ৰতিবাদকাৰী কৃষকক ৰাষ্ট্রবিৰোধী আখ্যা দিলে একাংশ ৰে’লযাত্ৰীয়ে৷ ইপিনে ৰে’লপথ অৱৰোধকাৰীৰ বিৰুদ্ধে কঠোৰ ব্যৱস্থাগ্ৰহণৰ হুংকাৰ ৰে’ল সুৰক্ষা বাহিনী৷ আম্বালাত বহুসংখ্যক কৃষক নেতাক জাননী জাৰি আৰক্ষীৰ৷
কৃষক নেতাসকলক জাননীৰ জৰিয়তে থানাৰ হাজিৰৰ নিৰ্দেশ আম্বালা আৰক্ষীৰ৷ আজি ৰে’ল ৰোক’ কাৰ্যসূচীৰ পাছত ১৪ মাৰ্চত দিল্লীত মহা পঞ্চায়তৰ আহ্বান কৰিছে কৃষক সংগঠনসমূহে৷ দিল্লীৰ ৰামলীলা মৈদানত মহা পঞ্চায়তৰ আহ্বান জনাইছে সংযুক্ত কৃষক মৰ্চাই৷
Continue Reading
