ডিজিটেল ডেস্কঃ ছিডনী ছিক্সাৰছ আৰু হোবাৰ্ট হাৰিকনেছৰ খেল আছিল। মহিলা বিগ বেছ লীগৰ সেই মেচখনত দেখা গ’ল এক অদ্ভুত ‘নো বল’। বলাৰ হিদাৰ গ্ৰেহামে এনে এটা বল বল কৰিছিল যিটো বল বেটছমেনৰ কথা বাদেই উইকেটকীপাৰেও ধৰিব নোৱাৰিলে৷
নৱম অভাৰত হোবাৰ্টৰ গ্ৰেহামে এটা ন’ বল বল কৰে৷। সেই সময়ত ছিডনীৰ এৰিন বাৰ্নছে বেটিং কৰি আছিল। গ্ৰেহামৰ বলটো কোনো ড্ৰপ নোহোৱাকৈ পোনে পোনে মূৰৰ ওপৰেৰে গৈছিল। আনকি উইকেটকীপাৰেও বলটো ধৰিব নোৱাৰিলে। বলটো তাৰ মূৰৰ ওপৰেৰে গৈ বহু দূৰলৈ পৰিল।
আচলতে গ্ৰেহামৰ হাতৰ পৰা বলটো পিছলি গৈছিল। আম্পায়াৰে ন’ বল সিদ্ধান্তৰ কথা ঘোষণা কৰে। এৰিন আৰু নন ষ্ট্ৰাইকাৰ এছলী গাৰ্ডনাৰেও এটা ৰান লয়। সেই অভাৰত গ্ৰেহামে ন’ বল কৰিছিল যদিও ৬ ৰানতকৈ বেছি ৰান নিদিলে। চাৰি অভাৰত ১৮ ৰানতকৈ বেছি ৰান নিদিলে। লগতে তিনিটা উইকেট দখল কৰে। অদ্ভুত ন’ বলৰ পিছতো তেওঁ আছিল দলৰ অন্যতম শ্ৰেষ্ঠ বলাৰ।
Continue Reading
