অগপ সভাপতিৰ সন্মুখতে বঞ্চনাৰ ক্ষোভ ! কোনে দিলে মিত্ৰতা ভংগৰ পৰামৰ্শ ?

ডিজিটেল ডেস্কঃ মাজুলীৰ ‘নয়বজাৰ উজনি মাজুলী কৃষ্টি কেন্দ্ৰ’ত অনুষ্ঠিত হয় অগপৰ ১৪নং লোকসভা সংসদীয় সমষ্টিৰ অন্তৰ্গত বিধান পৰিষদৰ আৰু জিলা পৰিষদসমূহৰ নেতৃত্ব সন্মিলন।

৯ টাকৈ বিধানসভা সমষ্টিৰ প্ৰতিনিধিৰ লগতে ৫খন জিলা সমিতিৰ সভাপতি-সম্পাদক উপস্থিত থাকে। ইয়াৰ উপৰি ভাতৃ-ভগ্নী সংগঠনৰ নেতৃত্বও উপস্থিত থাকে সভাখনত। এই নেতৃত্ব সন্মিলনত অগপ দলৰ কেন্দ্ৰীয় সভাপতি অতুল বৰাৰ উপস্থিতিতে ক্ষোভ উজাৰে ভিন্নস্থানৰপৰা অহা অগপ দলৰ জিলা সভাপতিসকলে।

মিত্ৰতাৰ তিক্ততাৰ কথা কেন্দ্ৰীয় সভাপতিৰ সন্মুখতে ক্ষোভ উজাৰি মিত্ৰতা নকৰাকৈ আগন্তুক নিৰ্বাচনসমূহ খেলাৰ বাবে আহ্বান জনায়। আগন্তুক পৌৰসভা আৰু উপ-নিৰ্বাচনৰ সন্মুখত মিত্ৰতাৰ তিক্ততা আৰু বঞ্চনাৰ কথা উল্লেখ কৰি মিত্ৰতা ভংগৰ ইংগিত বহুকেইজন সভাপতি-সম্পাদকৰ বক্তব্যত প্ৰাকাশ পায়।