ডিজিটেল ডেস্কঃ আই পি এলৰ ফ্ৰেঞ্চাইজি মুম্বাই ইণ্ডিয়ানছে ৰোহিত শৰ্মাক নেতৃত্বৰ পৰা আঁতৰাই হাৰ্দিক পাণ্ডিয়াক নতুন অধিনায়ক হিচাপে ঘোষণা কৰে। তাৰ এঘণ্টাৰ ভিতৰতে ৪ লাখ অনুৰাগী হেৰুৱালে চাৰিবাৰৰ বিজয়ী দলটোৱে।
শুকুৰবাৰে বিয়লি মুম্বাই কৰ্তৃপক্ষই ঘোষণা কৰে যে ৰোহিতৰ ঠাইত হাৰ্দিকক অধিনায়ক হিচাপে নিযুক্তি দিয়া হ’ব। ইয়াৰ পিছত ছ’চিয়েল মিডিয়াত মুম্বাইৰ ফ’ল’ৱাৰৰ সংখ্যা হ্ৰাস পাবলৈ ধৰিলে। ১ ঘণ্টাৰ ভিতৰতে চাৰি লাখ ক্ৰিকেটপ্ৰেমীয়ে মুম্বাইক ‘আনফ’ল’ কৰিছে। অৰ্থাৎ ৰোহিতক অপসাৰণে দলটোৰ জনপ্ৰিয়তাত পোনপটীয়াকৈ আঘাত হানে।
ৰোহিত মুম্বাইৰ ক্ৰিকেটাৰ। মুম্বাইকে ধৰি মহাৰাষ্ট্ৰতো তেওঁৰ জনপ্ৰিয়তা বিপুল। তেওঁক অপসাৰণ কৰি বৰোদাৰ অল-ৰাউণ্ডাৰগৰাকীক অধিনায়ক হিচাপে গঢ়ি তোলাৰ সিদ্ধান্ত ক্ৰিকেটপ্ৰেমীসকলে মানি ল’ব নোৱাৰিলে। শুকুৰবাৰৰ পৰা ক্ৰিকেট প্ৰেমীৰ এটা অংশই মুম্বাই কৰ্তৃপক্ষক সমালোচনা কৰিবলৈ আৰম্ভ কৰে।
ক্ৰিকেট প্ৰেমীৰ এটা শ্ৰেণীয়ে মুম্বাই কৰ্তৃপক্ষৰ ওপৰত ক্ষুব্ধ হৈ পৰিছে। সেই ক্ষোভৰ প্ৰকাশ চচিয়েল মিডিয়াত এইদৰে দেখা যায়।
Continue Reading
