ডিজিটেল ডেস্কঃ অৰ্জুন বঁটাৰ বাবে মনোনীত হৈছে প্ৰসিদ্ধ ভাৰতীয় ক্ৰিকেটাৰ মহম্মদ ছামিৰ নাম৷ ভাৰতৰ এদিনীয়া বিশ্বকাপৰ অন্যতম নায়ক পেচাৰ মহম্মদ ছামিৰ নাম এইবাৰৰ অৰ্জুন বঁটাৰ বাবে পৰামৰ্শ দিছে ভাৰতীয় ক্ৰিকেট ব’ৰ্ডে।
৩৩ বছৰীয়া ছামিয়ে এদিনীয়া বিশ্বকাপত এক দৃষ্টিনন্দন প্ৰদৰ্শন দেখুৱাইছিল, য’ত ভাৰতে ফাইনেলত অষ্ট্ৰেলিয়াৰ হাতত পৰাস্ত হৈ দ্বিতীয় স্থান দখল কৰিছিল। ক্ৰীড়া মন্ত্ৰালয়ৰ সূত্ৰ অনুসৰি, প্ৰথমে দেশৰ দ্বিতীয় সৰ্বোচ্চ ক্ৰীড়া সন্মানৰ তালিকাত তেওঁৰ নাম অন্তৰ্ভুক্ত নোহোৱাৰ বাবে বিচিচিআইয়ে ক্ৰীড়া মন্ত্ৰালয়ক বিশেষ অনুৰোধ জনাইছিল যে ছামিৰ নাম অন্তৰ্ভুক্ত কৰা হওক।
মাত্ৰ ৭টা ইনিংছত ২৪টা উইকেট দখল কৰি বিশ্বকাপৰ আগশাৰীৰ উইকেট দখলকাৰী আছিল ছামি।দক্ষিণ আফ্ৰিকাৰ বিৰুদ্ধে ভাৰতৰ আগন্তুক দুখন মেচৰ টেষ্ট শৃংখলাত ছামিয়ে অংশগ্ৰহণ কৰাৰ সম্ভাৱনা আছে,প্ৰথমখন টেষ্ট ২৬ ডিচেম্বৰৰ পৰা চেঞ্চুৰিয়ানত আৰম্ভ হ’ব৷তাৰ পাছত ৩ জানুৱাৰীৰ পৰা কেপ টাউনত দ্বিতীয়খন খেল অনুষ্ঠিত হ’ব।
উল্লেখ্য যে অৰ্জুন বঁটাৰ বাবে নিৰ্মাণ কৰা সমিতিৰ নেতৃত্ব দিব উচ্চতম ন্যায়ালয়ৰ অৱসৰপ্ৰাপ্ত ন্যায়াধীশ এ এম খানউইলকাৰে। তেওঁৰ বাহিৰেও এই কমিটীত ছয়গৰাকী প্ৰাক্তন আন্তঃৰাষ্ট্ৰীয় খেলুৱৈ আছে। হকী খেলুৱৈ ধনৰাজ পিল্লাই, প্ৰাক্তন পেডেলাৰ কমলেশ মেহতা, প্ৰাক্তন বক্সাৰ অখিল কুমাৰ, মহিলা শ্বুটাৰ তথা বৰ্তমানৰ ৰাষ্ট্ৰীয় প্ৰশিক্ষক শুমা শ্বিৰুৰ, প্ৰাক্তন ক্ৰিকেটাৰ অঞ্জুম চোপ্ৰা, বেডমিণ্টন খেলুৱৈ ত্ৰিপ্টী মুৰ্গুণ্ডে আৰু পাৱাৰলিফ্টাৰ ফাৰ্মান পাছাও এই পেনেলৰ অংশ।
Continue Reading
