ডিজিটেল ডেস্কঃ ভাৰতবৰ্ষই বিশ্বব্যাপী ক্ৰীড়া অনুষ্ঠান আয়োজন কৰাত প্ৰধানমন্ত্ৰী নৰেন্দ্ৰ মোডীৰ দৃষ্টিভংগী পুনৰবাৰ উল্লেখ কৰে কেন্দ্ৰীয় ক্ৰীড়া আৰু যুৱ পৰিক্ৰমা মন্ত্ৰী অনুৰাগ ঠাকুৰে। তেওঁ কয় যে ২০৩০ চনৰ যুৱ অলিম্পিক আৰু ২০৩৬ চনৰ গ্ৰীষ্মকালীন অলিম্পিক আয়োজন কৰিবলৈ দেশ সাজু।
‘আই অ’ চিৰ অধিৱেশনৰ সময়ত মোডী জীয়ে স্পষ্টভাৱে কৈছিল যে ভাৰত ২০৩০ চনৰ যুৱ অলিম্পিক আৰু ২০৩৬ চনৰ গ্ৰীষ্মকালীন অলিম্পিক আয়োজন কৰিবলৈ সাজু। যি মুহূৰ্তত বিড আৰম্ভ হ’ব, আমি সাজু হ’ম। আমি বিশ্বৰ তৃতীয় বৃহত্তম অৰ্থনীতি, আৰু আমিও বিশাল যুৱ শক্তিৰ দেশ। ক্ৰীড়া আৰু সম্প্ৰসাৰণৰ বাবে ভাৰততকৈ ডাঙৰ বজাৰ নাই। গতিকে, হয়, ভাৰত ২০৩০ চনৰ যুৱ অলিম্পিক আৰু ২০৩৬ চনৰ গ্ৰীষ্মকালীন অলিম্পিক আয়োজন কৰিবলৈ সাজু হৈছে।’- চিএনএন-নিউজ১৮ৰ ৰাইজিং ভাৰত সন্মিলনত এইদৰে কয় ঠাকুৰে।
পৰৱৰ্তী গ্ৰীষ্মকালীন যুৱ অলিম্পিক ২০২৬ চনত চেনেগালৰ ডাকাৰত অনুষ্ঠিত হ’ব।২০২৪ চনৰ পেৰিছত অনুষ্ঠিত হ’বলগীয়া গ্ৰীষ্মকালীন অলিম্পিকৰ পিছত ২০২৮ আৰু ২০৩২ চনৰ সংস্কৰণ ক্ৰমে লছ এঞ্জেলছ আৰু ব্রিজবেনে আয়োজন কৰিব।
যোৱা বছৰ ভাৰতত অনুষ্ঠিত হোৱা আই অ’ চি অধিবেশনৰ সময়ত প্ৰধানমন্ত্ৰী মোদীয়ে ২০৩৬ চনৰ অলিম্পিক আয়োজন কৰাৰ বাবে ভাৰতৰ প্ৰতিশ্ৰুতি ঘোষণা কৰিছিল। শেহতীয়া বছৰবোৰত দেশৰ ক্ৰীড়া সফলতাক উদগনি দি ঠাকুৰে ক্ৰীড়াক আগস্থানত ৰখাৰ প্ৰয়োজনীয়তাৰ ওপৰত গুৰুত্ব আৰোপ কৰি ভাৰতীয় খেলুৱৈসকলৰ ঐতিহাসিক প্ৰদৰ্শনক প্ৰশংসা কৰে।
Continue Reading
