ডিজিটেল ডেস্কঃ যোৱা বছৰৰ জানুৱাৰী মাহত ছৌদি আৰৱৰ আল নাছেৰ ক্লাবত যোগদান কৰিছিল ক্রিষ্টিয়ানো ৰোনাল্ডোৱে৷ তেতিয়াৰ পৰাই ইজনৰ পিছত সিজন বিখ্যাত ফুটবলাৰ সেই দেশলৈ গৈছে। সেই তালিকাত আছে নেইমাৰ, কৰিম বেনজেমা, এন’গোলো কান্টে। শেহতীয়াকৈ ছৌদি লীগত খেলা ফুটবলাৰৰ দৰমহাৰ তালিকা প্ৰকাশ পাইছে। দেখা গ’ল, ৰোনাল্ডোৰ দৰমহা দ্বিতীয় স্থানত থকা নেইমাৰৰ দৰমহাতকৈও দুগুণ বেছি।
শেহতীয়াকৈ ছৌদি লীগত খেলা ফুটবলাৰৰ দৰমহাৰ তালিকা ৰাজহুৱা কৰিছে এটা সংস্থাই। দেখা গৈছে যে ৰোনাল্ডোৱে আল নাছেৰৰ পৰা ২০ কোটি ইউৰো বা ১৮১৭ মিলিয়ন টকা বেছি উপাৰ্জন কৰে। নেইমাৰ আৰু বেনজেমা যৌথভাৱে দ্বিতীয় স্থানত আছে। দুয়োৰে দৰমহা ১০ কোটি ইউৰো বা ৯০৮ কোটি টকা।
তৃতীয় স্থানত আছে মানচেষ্টাৰ চিটিৰ প্ৰাক্তন ফুটবলাৰ ৰিয়াদ মাহৰেজ। তেওঁ ৫.২৫ কোটি ইউৰো বা ৪৭৭ কোটি টকা দৰমহা পায়। পঞ্চম স্থানত থকা ছাদিঅ’ মানেই ৪ কোটি ইউৰো বা ৩৬৩ কোটি টকাৰ দৰমহা লাভ কৰে।
ধনৰ ক্ষেত্ৰত বিশ্বত আধিপত্য প্ৰদৰ্শনৰ লক্ষ্যৰে আগবাঢ়িছে ছৌদি প্ৰিমিয়াৰ লীগ। বহু ফুটবলাৰে অহা ছিজনৰ বাবেও চৌদি ক্লাবৰ ওপৰত চকু ৰাখিছে। ইয়াৰ ভিতৰত আছে কেচেমিৰো, ইলছন, এলিছন বেকাৰ আৰু কেভিন দ্য ব্ৰুইন। এণ্টনিঅ’ ৰুডিগাৰক ৰিয়েল মাদ্রিদৰ প্ৰস্তাৱ দিয়া হৈছিল যদিও তেওঁ নাকচ কৰিছিল।
Continue Reading
