ডিজিটেল ডেস্কঃ আজিকালি মানুহে বেছিভাগ বস্তু অনলাইনত অৰ্ডাৰ দিয়ে। কিন্তু এতিয়া অনলাইন শ্ব’পিঙৰ গ্ৰাহকে অসুবিধাৰ সন্মুখীন হ’ব ৷ আচলতে বহু সময়ত মানুহে ভাল নাপালে অৰ্ডাৰ বাতিল কৰি দিছিল। কিন্তু অতি সোনকালে এই বৈশিষ্ট্যটো অলপ ব্যয়বহুল হ’ব পাৰে, বিশেষকৈ ফ্লিপকাৰ্টৰ দৰে ডাঙৰ প্লেটফৰ্মত। তথ্য অনুসৰি শীঘ্ৰে অৰ্ডাৰ বাতিল হ’লেও মানুহে মূল্য দিবলগীয়া হ’ব পাৰে।
সংবাদ মাধ্যমৰ অনুসৰি ভাৰতৰ আগশাৰীৰ ই-কমাৰ্চ ৱেবছাইট ফ্লিপকাৰ্টে এতিয়া অৰ্ডাৰ বাতিল কৰিলে মাচুল লোৱাৰ পৰিকল্পনা কৰিছে। বৰ্তমান গ্ৰাহকে কোনো অতিৰিক্ত চাৰ্জ নোলোৱাকৈ অৰ্ডাৰ বাতিল কৰিব পাৰে। কিন্তু ভৱিষ্যতে যদি আপুনি অৰ্ডাৰ বাতিল কৰে তেন্তে আপুনি হয়তো এটা নিৰ্দিষ্ট মাচুল দিব লাগিব। এই মাচুল আপোনাৰ অৰ্ডাৰৰ মূল্য আৰু বাতিলৰ সময়ৰ ওপৰত নিৰ্ভৰ কৰিব।
ফ্লিপকাৰ্টৰ আভ্যন্তৰীণ সূত্ৰৰ মতে, এই পদক্ষেপ গ্ৰহণ কৰা হৈছে সেই বিক্ৰেতা আৰু ডেলিভাৰী অংশীদাৰসকলৰ লোকচান ৰাহি কৰিবলৈ, যিসকলৰ অৰ্ডাৰ বাতিল হ’লে তেওঁলোকৰ সময় আৰু ধন অপচয় হয়। অৱশ্যে নিৰ্দিষ্ট সময়সীমাৰ ভিতৰত অৰ্ডাৰ বাতিল কৰিলে এই মাচুল লোৱা নহ’ব।
এই নীতি ফ্লিপকাৰ্টে এতিয়াও আনুষ্ঠানিকভাৱে কাৰ্যকৰী কৰা নাই যদিও বিক্ৰেতাৰ স্বাৰ্থত আৰু জালিয়াতি ৰোধৰ উদ্দেশ্যে এই পৰিৱৰ্তন কৰিব পাৰি। ইয়াৰ লগতে এই নিয়ম ফ্লিপকাৰ্টৰ অন্যান্য প্লেটফৰ্ম যেনে Myntra তো প্ৰযোজ্য হ’ব পাৰে।
যদি আপুনি নিয়মিতভাৱে অনলাইন বজাৰ কৰে তেন্তে এই সম্ভাৱ্য পৰিৱৰ্তনসমূহৰ বিষয়ে আপুনি সচেতন হোৱাটো গুৰুত্বপূৰ্ণ। কোনো ধৰণৰ অপ্ৰয়োজনীয় মাচুলৰ পৰা হাত সাৰিবলৈ অৰ্ডাৰ বাতিল কৰাৰ আগতে নতুন চৰ্তসমূহ ভালদৰে পঢ়ক। ফ্লিপকাৰ্টৰ এই পদক্ষেপ বিক্ৰেতা আৰু গ্ৰাহকৰ মাজত ভাৰসাম্য সৃষ্টিৰ প্ৰয়াস, কিন্তু ই আপোনাৰ বজাৰ কৰাৰ অভ্যাসতো প্ৰভাৱ পেলাব পাৰে।
Continue Reading
