ডিজিটেল ডেস্ক: শেহতীয়াকৈ আমেৰিকাৰ ন্যায় বিভাগৰ ছিকিউৰিটিজ এণ্ড এক্সচেঞ্জ কমিছনে আদানীক উৎকোচ দিয়াৰ অভিযোগ উত্থাপন কৰিছে, এই খবৰ এতিয়াও বাতৰিৰ শিৰোনাম। এতিয়া আদানী গ্ৰুপৰ আন এক তথ্য পোহৰলৈ আহিছে যিটো নেতিবাচক। কেনিয়া চৰকাৰে আদানি গ্ৰুপৰ সৈতে দেশৰ মূল বিমানবন্দৰৰ চুক্তি বাতিল কৰাৰ নিৰ্দেশ দিছে। ইয়াৰ উপৰিও ৭৩৬ মিলিয়ন ডলাৰৰ প্ৰস্তাৱিত চুক্তিও বাতিল কৰা হৈছে।
কেনিয়াৰ ৰাষ্ট্ৰপতি উইলিয়াম ৰুটোৱে শুকুৰবাৰে কয় যে তেওঁ ক্ৰয় প্ৰক্ৰিয়া বাতিল কৰাৰ নিৰ্দেশ দিছে, যাৰ অধীনত দেশখনৰ মূল বিমানবন্দৰৰ নিয়ন্ত্ৰণ আদানি গ্ৰুপক দিয়াৰ চুক্তি আছিল । আমেৰিকাত কোম্পানীটোৰ প্ৰতিষ্ঠাপক গৌতম আদানীৰ বিৰুদ্ধে চলি থকা গোচৰ আৰু অভিযোগৰ বাবেই এনে হৈছে। ইয়াৰ উপৰিও উইলিয়াম ৰুটোৱে আদানী গ্ৰুপৰ সৈতে হোৱা আন এখন চুক্তি বাতিল কৰাৰ নিৰ্দেশ জাৰি কৰা বুলিও কয়। ইয়াৰ অধীনত ৭৩৬ মিলিয়ন ডলাৰৰ ৩০ বছৰীয়া ৰাজহুৱা-ব্যক্তিগত অংশীদাৰিত্ব চুক্তি বাতিল কৰা হৈছে যিটো যোৱা মাহত আদানি গ্ৰুপৰ এটা ইউনিটৰ সৈতে স্বাক্ষৰিত হৈছিল। এই চুক্তিৰ অধীনত আদানি কোম্পানীয়ে কেনিয়াত শক্তি সংবহন লাইন স্থাপনৰ কাম কৰিব লাগিছিল।
উইলিয়াম ৰুটোৱে কয়, ‘‘মই পৰিবহণ মন্ত্ৰালয়,শক্তি আৰু পেট্ৰলিয়াম মন্ত্ৰালয়ৰ সৈতে আদানী গ্ৰুপৰ চলি থকা ক্ৰয় প্ৰক্ৰিয়া তৎকালীনভাৱে বন্ধ কৰাৰ নিৰ্দেশ জাৰি কৰিছো। এইটো মিত্ৰ দেশ আৰু তদন্তকাৰী সংস্থাৰ পৰা পোৱা তথ্যৰ পিছত এই সিদ্ধান্ত লোৱা হৈছে।’’
আমেৰিকাৰ তদন্তকাৰী সংস্থাটোৱে প্ৰকাশ কৰিছে যে বিশ্বৰ অন্যতম ধনী ব্যক্তি গৌতম আদানী আৰু আন সাতজন অভিযুক্তৰ বিৰুদ্ধে ভাৰতৰ চৰকাৰী বিষয়াক ২৬৫ মিলিয়ন ডলাৰৰ উৎকোচ দিয়াৰ অভিযোগ উত্থাপন হৈছে। একে সময়তে আদানী গ্ৰুপে সকলো অভিযোগক ভিত্তিহীন বুলি অভিহিত কৰি সকলো আইনী সম্পদ ব্যৱহাৰ কৰিব বুলি কয়।
দেশত আদানী গ্ৰুপ আৰু ইয়াৰ স্বত্বাধিকাৰী গৌতম আদানীৰ বিৰুদ্ধে ধাৰাবাহিক অভিযোগ উত্থাপন হৈছিল। কংগ্ৰেছৰ প্ৰাক্তন সভাপতি তথা সংসদত বিৰোধী নেতা ৰাহুল গান্ধীয়ে তেওঁৰ লগতে গৌতম আদানী আৰু শাসকীয় বিজেপিকো তীব্ৰ লক্ষ্য কৰি লয়। দুৰ্নীতিৰ অভিযোগক লৈ দেশত তীব্ৰ বক্তব্য আৰু সংবাদমেল অনুষ্ঠিত হৈছিল আৰু এই বিষয়টো এটা উত্তপ্ত প্ৰিয় বিষয় হৈয়েই ৰয়।
Continue Reading
