ডিজিটেল ডেস্কঃ তেওঁ ৰোমাঞ্চৰ ৰজা। আঠৰ পৰা আশীলৈ যিকোনো বয়সৰ মহিলা তেওঁৰ অনুৰাগী। তেওঁ হৈছে শ্বাহৰুখ খান। উদ্যোগটোৰ ভিতৰতে তেওঁৰ ‘লেডিজ মেন’ হিচাপে সুনাম আছে। শেহতীয়াকৈ অভিনেতাগৰাকীয়ে ডুবাইত এক অভাৱনীয় কাণ্ডৰ সন্মুখীন হ’বলগীয়া হৈছে।
মঙলবাৰে ডুবাইত অনুষ্ঠিত এক অনুষ্ঠানত অংশগ্ৰহণ কৰিবলৈ গৈছিল শ্বাহৰুখ। নিমন্ত্ৰিত অতিথিসকলৰ লগত অলপ আদান-প্ৰদান হয়। ডুবাইৰ বাৰখনৰ চাৰিওফালে লেজাৰ পোহৰ সিঁচৰতি দেখা গৈছিল। মাজতে শ্বাহৰুখে তেওঁৰ সহকাৰী পূজা দাদলানী আৰু ব্যক্তিগত দেহৰক্ষীক লৈ প্ৰৱেশ কৰে। পিন্ধনত আছিল ক’লা চুট। অতিথিসকলে তেওঁক সম্ভাষণ জনালে। ইয়াৰ মাজতে হঠাতে এগৰাকী যুৱতী আবিৰ্ভাৱ হ’ল। শ্বাহৰুখক সুধে যে এবাৰ গালত চুমা খাব পাৰিবনে? কিন্তু শ্বাহৰুখৰ সন্মতিলৈ অপেক্ষা নকৰাকৈয়ে তেওঁৰ ডিঙিত সাৱটি ধৰি গালত চুমা খালে। অৱশ্যে শ্বাহৰুখৰ চকুত কোনো বিৰক্তি দেখা পোৱা নগ’ল।
সামাজিক মাধ্যমত এক বৃহৎ অংশই যুৱতীগৰাকীৰ আচৰণক সমালোচনা কৰিছে। কোনোবাই লিখিছে, অনুমতি অবিহনে এনে কাম কৰা উচিত নহয়। কোনো কোনোৱে এই প্ৰশ্ন উত্থাপন কৰিছে, “এজন পুৰুষ অনুৰাগীয়ে যদি নায়িকাসকলৰ লগত এনে ব্যৱহাৰ কৰিলেহেঁতেন তেন্তে কি হ’লহেঁতেন?’’
Continue Reading
