ডিজিটেল ডেস্কঃ ৰাহুল গান্ধীয়ে দাড়ি কেতিয়া কাটিব? এয়া বহুতৰে ফ্ৰশ্ন আছিল। অৱশেষত ৰাহুলে দাড়ি কাটিলে। কেঁচা-বগা ডাঠ দাড়িৰে ভৰি থকা ৰাহুল গান্ধীৰ মুখ খন এতিয়া পুনৰ আগৰ দৰেই হৈ পৰিল। ৰাহুল গান্ধীয়ে কংগ্ৰেছৰ 'ভাৰত জোড়ো যাত্ৰা'ৰ সময়ৰে পৰাই দাড়ি ৰাখিছিল। কিন্তু সেই কাৰ্যসূচীৰ পিছত ৰাহুল গান্ধীয়ে অৱশেষত তেওঁৰ চেহেৰা সম্পূৰ্ণৰূপে সলনি কৰি পেলাইছে।
কেমব্ৰিজ বিজনেছ স্কুলে আন্তৰ্জাতিক সম্পৰ্ক আৰু গণতন্ত্ৰৰ বিষয়ত এখন আলোচনাচক্ৰৰ আয়োজন কৰিছে। ৰাহুল গান্ধীক তাত বিশ্ববিদ্যালয় খনৰ প্ৰাক্তন ছাত্ৰ হিচাপে আমন্ত্ৰণ জনোৱা হৈছে । কেমব্ৰিজ ইউনিভাৰ্চিটি স্কুল অৱ বিজনেছৰ শিক্ষাৰ্থীসকলৰ সন্মুখত ভাষণ দিবলৈ বুধবাৰে কংগ্ৰেছৰ প্ৰাক্তন সভাপতিগৰাকীয়ে ব্ৰিটেইনত উপস্থিত হয়। তেওঁ আন্তঃৰাষ্ট্ৰীয় সম্পৰ্ক আৰু গণতন্ত্ৰকে ধৰি বিভিন্ন বিষয়ত শিক্ষাৰ্থীসকলক সম্বোধন কৰাৰ কথা আছে।
তেওঁ ৫ মাৰ্চত পশ্চিম লণ্ডনত ভাৰতীয় বাসিন্দাসকলকো সম্বোধন কৰিব। সেই ভ্ৰমণৰ বাবেই তেওঁ দাড়ি কাটিছে বুলি বহুতে ধাৰণা কৰিছে। তেওঁ তেওঁৰ চুলিৰ ষ্টাইলো সলনি কৰিছে। 'ভাৰত জোড়ো যাত্ৰা'ৰ সময়ত, যোৱা ছেপ্টেম্বৰত ৰাহুলৰ মুখত এক গুৰুত্বপূৰ্ণ পৰিৱৰ্তন দেখা গৈছিল । বাঢ়ি অহা ক'লা-বগা দাড়ি আৰু চুলি দেখি বহুতে তেওঁক কাৰ্ল মাৰ্স্কৰ সৈতে তুলনা কৰিছিল। অসমৰ মুখ্যমন্ত্ৰী হিমন্ত বিশ্ব শৰ্মাই ৰাহুল গান্ধীক "ছাদ্দাম হুছেইন" বুলি অভিহিত কৰিছিল। কিন্তু এইবাৰ ৰাহুল তেওঁৰ চিনাকি মুখলৈ পুনৰ ঘূৰি আহিল।
Continue Reading
