ডিজিটেল ডেস্কঃ অন্ত্ৰ আমাৰ শৰীৰৰ এক গুৰুত্বপূৰ্ণ অংগ, ইয়াৰ কাম হ’ল খাদ্য হজম কৰা আৰু পুষ্টিকৰ পদাৰ্থ শোষণ কৰা, বিষাক্ত পদাৰ্থ আঁতৰ কৰা। যদি আপোনাৰ অন্ত্ৰৰ কাৰ্য্য শুদ্ধ নহয়, তেন্তে পেটত যে সমস্যা হ’ব সেয়া খাটাং। বেক্টেৰিয়া, ভাইৰাছৰ সংক্ৰমণ আৰু অস্বাস্থ্যকৰ খাদ্যৰ ফলত আমাৰ অন্ত্ৰৰ ক্ষতিৰ আশংকা বৃদ্ধি পায়। গতিকে যদি আপুনি হজম শক্তি সুস্থ কৰি ৰাখিব বিচাৰে আৰু আন সমস্যাৰ পৰা আঁতৰি থাকিব বিচাৰে তেন্তে নিশ্চিতভাৱে কিছুমান অভ্যাস গ্ৰহণ কৰক, এনে কৰিলে আপোনাৰ স্বাস্থ্যৰ বহু পাৰ্থক্য দেখা যাব।
আন্ত্ৰিক স্বাস্থ্যৰ বাবে কি কৰিব লাগে
১/ সদায় স্বাস্থ্যসন্মত খাদ্য গ্ৰহণ কৰকঃ যদি আমি অন্ত্ৰবোৰ সুস্থ কৰি ৰাখিব বিচাৰো তেন্তে আমি এনে খাদ্য খাব লাগিব যিবোৰ স্বাস্থ্যকৰ। দৈনন্দিন খাদ্যত বাদাম, ফলমূল আৰু অংকুৰিত মগু অন্তৰ্ভুক্ত কৰক। যদি আপুনি ফলমূল আৰু ফলৰ ৰস সেৱন কৰে, তেন্তে অন্ত্ৰ স্বাস্থ্যকৰ হ’ব। প্ৰিবায়টিক আৰু প্ৰ’বায়টিক খাদ্য যেনে দৈ আৰু ছাগলীৰ গাখীৰ খাব লাগে
খাদ্যত তেল আৰু মছলাৰ ব্যৱহাৰ যিমান পাৰি কম কৰক।
২) খাদ্যত প্ৰটিন অন্তৰ্ভুক্ত কৰকঃ বহু গৱেষণাত প্ৰমাণিত হৈছে যে প্ৰটিন সমৃদ্ধ খাদ্য আমাৰ অন্ত্ৰৰ বাবে উপকাৰী, গতিকে এনে বস্তু যিবোৰত প্ৰটিন থাকে সেইবোৰ দৈনিক খাব লাগে। ইয়াৰ বাবে কণী, পনীৰ, গোটা শস্য, দালি আৰু চয়াবিন খাব পাৰে। ই অন্ত্ৰ সুস্থ কৰি ৰখাত বহুত সহায় কৰে।
৩) এটা নিৰ্দিষ্ট দৈনিক ৰুটিন মানি চলকঃ যদি আমাৰ দৈনন্দিন কাম-কাজ শুদ্ধ হয়, তেন্তে কেৱল অন্ত্ৰই নহয়, আমাৰ সামগ্ৰিক স্বাস্থ্যও শুদ্ধ হ’ব। আপুনি আপোনাৰ তিনিটা সময়ৰ আহাৰ, শোৱাৰ সময়, ব্যায়াম কৰাৰ সময় নিৰ্দিষ্ট কৰি লওক আৰু নিয়মিতভাৱে অনুসৰণ কৰক। যদি আপুনি এইবোৰ কথাৰ ওপৰত ধ্যান দিয়ে তেন্তে কেইদিনমানৰ ভিতৰতে ইয়াৰ ইতিবাচক প্ৰভাৱ দেখিবলৈ পাব।
