ডিজিটেল ডেস্কঃ শ্বাহৰুখ খান আৰু দীপিকা পাডুকনৰ ডাঙৰ বাজেটৰ ছবি 'পাঠান' বুধবাৰে মুক্তি দিয়া হৈছে। যশ ৰাজ ফিল্মছৰ ছৱিখনে মুক্তিৰ দিনাই দেশত ধুমুহাৰ সৃষ্টি কৰিছে৷
যথেষ্ট বিতৰ্ক আৰু বয়কট গেঙৰ ৰোষৰ সন্মুখীন হোৱা স্বত্বেও ছবিখনে প্ৰথম দিনাই ৫৫ কোটি টকাৰ ব্যৱসায় কৰিছে। ছবিখনে শুক্ৰবাৰৰ ভিতৰতে ১০০ কোটি টকাৰ সীমা অতিক্ৰম কৰিব বুলি আশা কৰা হৈছে।
‘পাঠান’ নিৰ্মাণ কৰোতে বহুকেইটা ঘটনা সংঘটিত হৈছিল, যিসমূহ অনুৰাগীসকলে শেহতীয়াকৈ জানিব পাৰিছে৷ চাওঁ আহক ‘পাঠান’ সন্দৰ্ভত কিছু নতুন তথ্য!
'পাঠান' হৈছে যশ ৰাজ ফিল্মছৰ সৈতে শ্বাহৰুখৰ ১১ তম ছবি আৰু দীপিকাৰ তৃতীয় খন ছবি। বলীউডৰ 'ভাইজান' চলমান খানকো শ্বাহৰুখৰ এই ছবিখনত দেখা গৈছে। চলমানে এই ছবিখনত এটা সৰু চৰিত্ৰত অভিনয় কৰিছে। ‘পাঠান' যশৰাজৰ তৃতীয় খন ছবি য'ত চলমানক দেখা গৈছে৷
শ্বাহৰুখ খান আৰু দীপিকা পাডুকনক পাঠানৰ সৈতে বৰ্তমানলৈকে চাৰিখন চলচ্চিত্ৰত একেলগে দেখা গৈছে। ইয়াৰ পূৰ্বে শ্বাহৰুখ আৰু দীপিকাক 'ওম শান্তি ওম', 'চেন্নাই এক্সপ্ৰেছ' আৰু 'হেপ্পী নিউ ইউয়েৰ'ৰ মুখ্য চৰিত্ৰত একেলগে দেখা গৈছিল। এই চাৰিওখন চলচ্চিত্ৰত বিশাল-শেখৰৰ সংগীত আছিল৷
শ্বাহৰুখ আৰু দীপিকাই অতীতত একেলগে তিনিখন ছবি কৰিছিল, কিন্তু 'পাঠান' হৈছে প্ৰথমখন ছবি য'ত দুয়োকে একচন ষ্টাৰৰ ৰূপত দেখা গৈছে৷
প্ৰায় চাৰি বছৰৰ পিছত শ্বাহৰুখৰ ছবি পুনৰ ডাঙৰ পৰ্দাত মুক্তি দিয়া হৈছে। তেওঁৰ অন্তিম খন ছবি আছিল 'জিৰো'।২০১৮ চনত মুক্তি দিয়া হৈছিল ‘জিৰো’।
শ্বাহৰুখ-দীপিকাৰ কোনো ছবি কেতিয়াও বক্স অফিচত ফ্লপ হোৱা নাই। 'পাঠান'ৰ আগতে তেওঁলোকৰ তিনিওখন ছবিয়ে একেলগে বক্স অফিচত ১০০ কোটিৰ সীমা অতিক্ৰম কৰিছিল। 'পাঠান'-এও লাভ কৰিছে অপাৰ জনপ্ৰিয়তা।
যশ ৰাজ ফিল্মছে 'পাঠান' নিৰ্মাণৰ বাবে মুঠ ২৫০ কোটি টকা ব্যয় কৰিছে। যশ ৰাজৰ ‘গুপ্তচৰ ব্ৰহ্মাণ্ড’ৰ চতুৰ্থখন ছবি হৈছে 'পাঠান'। ইয়াৰ পিছত চলমানৰ 'টাইগাৰ-৩' আৰু হৃত্বিকৰ 'ৱাৰ-২' মুক্তিৰ বাবে অপেক্ষা কৰি আছে।
Continue Reading
