ডিজিটেল ডেস্কঃ ২১ শতিকাৰ দ্বিতীয় দশকত ১,২২৫ শতাংশ সম্পদৰ শ্ৰীবৃদ্ধি হোৱা গৌতম আদানীয়ে পুনৰ দেখিছে লাভৰ মুখ৷ভাৰতীয় তাপ শক্তি উৎপাদক কোম্পানী আদানী পাৱাৰে বৃহস্পতিবাৰে তৃতীয় ত্ৰৈমাসিকৰ লাভ বৃদ্ধিৰ কথা ঘোষণা কৰে৷প্ৰবল ঔদ্যোগিক বিদ্যুতৰ চাহিদাই আদানী পাৱাৰৰ লাভৰ মূল কাৰণ হিচাপে বৰ্তমান ঠাৱৰ কৰা হৈছে৷
৩১ ডিচেম্বৰলৈকে তিনিমাহত কোম্পানীটোৱে ২,৭৩৮ কোটি (৩২৯.৬ মিলিয়ন ডলাৰ)টকা লাভ সংগ্ৰহ কৰিছে বুলি জানিব পৰা গৈছে।ইন্ধনৰ ব্যয় বৃদ্ধিৰ বাবে পূৰ্বৰ ত্ৰৈমাসিকত আদানী পাৱাৰৰ লাভ ৯৬ শতাংশ বৃদ্ধি পাই ৮৭.৭ মিলিয়ন টকা হৈছিল।
ভাৰতত ডিচেম্বৰ ত্ৰৈমাসিকত এবছৰৰ আগৰ তুলনাত ৮.৭ শতাংশ বিদ্যুৎ উৎপাদন বৃদ্ধি পাইছে, যাৰ কাৰণ বিশ্লেষকসকলে উৎসৱমুখৰ কাৰ্যকলাপ আৰু প্ৰবল ঔদ্যোগিক চাহিদা বৃদ্ধি হোৱা বুলি উল্লেখ কৰে।
উল্লেখ্য যে, পৰিসংখ্যা মন্ত্ৰালয়ৰ তথ্য অনুসৰি ভাৰতৰ উদ্যোগিক উৎপাদন ১৬ মাহৰ ভিতৰত সৰ্বাধিক দ্ৰুত গতিৰে অক্টোবৰ মাহত বৃদ্ধি পাইছে, বিদ্যুৎ উৎপাদন ২০.৪ শতাংশ বৃদ্ধি পাইছে। নৱেম্বৰ মাহত ঔদ্যোগিক উৎপাদন ২.৪ শতাংশ বৃদ্ধি পাইছে৷স্মৰ্তব্য যে,ঔদ্যোগিক শক্তিৰ ব্যৱহাৰ বৃদ্ধিয়ে আদানী পাৱাৰৰ ৰাজহত সহায় কৰিছে আৰু বৰ্তমান লাভ ৬৭ শতাংশ বৃদ্ধি পাই ১২,৯৯১ কোটি টকাত উপনীত হৈছে।
Continue Reading
